Georgina pozon me fëmijët pranë dekorimeve festive

Georgina Rodriguez nuk ka kursyer as kohë e as para kur është fjala për dekorimet për festat e fundviti, ndërsa frytin e punës së saj e ka ndarë me fansat në Instagram.

Partnerja e Cristiano Ronaldos ka pozuar me fëmijët e çiftit përballë një zbukurimi të babadimrit dhe fotografinë e ka publikuar në rrjetet sociale.

https://www.instagram.com/p/Bqse1fjAxtA/

Në një tjetër fotografi janë vetëm fëmijët, të cilën shfaqen para disa zbukurimeve në afërsi të dritareve.

“Jemi kënaqur duke blerë zbukurime festive për shtëpinë tonë të re në Torino. Kemi kaluarpër mrekulli dhe jemi të lumtur sepse po bëjmë dicka të mirë”.

Lexo po ashtu Lajmet për Georgina Rodriguez

“Me kënaqësi kemi bashkëpunuar me shoqatën Adisco, e cila dhuron 100 për qind të përfitimeve për spitalin Regina Margherita”, ka shkruar Georgina duke shtuar se nuk ka asgjë më të bukur se familja dhe dashuria.

Theksojmë se Georgina dhe Ronaldo janë duke i rritur katër fëmijë bashkë. Djali i madh i futbollistit, Cristiano Jr., ka lindur më 17 qershor 2010 në SHBA. Portugezi ka kujdestari të plotë për të, ndërsa është e paqartë nëse ai ka lindur përmes një nëne surrogate apo nga ndonjë lidhje e CR7.

Më 8 qershor 2017, sulmuesi i Juventusit u bë baba i binjakëve, vajzës Eva dhe djalit Mateo, përmes një nëne surrogate.

Ndërsa më 12 nëntor 2017, Georgina Rodriguez lindi fëmijën e parë të përbashkët të çiftit, vajzën Alana. /Telegrafi/