Keqtrajtonte një femër para hyrjes së ndërtesës, e pëson keq nga kalimtar i rastit – e nokauton me tre grushta (Video, +18)

Ky është momenti shokues kur një burrë përplaset me tokë me vetëm tre grushte në fytyrë, pasi kapet duke keqtrajtuar një femër në hyrje të një ndërtese.

Kamerat e sigurisë kanë filmuar momentin kur një mashkull përplas për muri një vajzë, me të cilën paraprakisht grindet, transmeton Telegrafi.

Dhe derisa ajo mundohej t’i jepte shpjegime, ai pa kurrfarë paralajmërimi e godet me kokë në fytyrë, kurse ajo mundohet ta shtyjë.

Por, gjithçka ndryshon kur në ato momente nga dera e hyrjes shfaqet një mashkull tjetër – ai i del në ndihmë asaj duke u munduar ta qetësojë sulmuesin.

Megjithatë, agresori mendon se do ta ketë të lehtë edhe me të dhe kështu e sulmon – por ky veprim i kushton shtrenjtë, pasi ai e neutralizon me vetëm tre grushte – duke e rrëzuar në tokë.

Ngjarja ka ndodhur të premten mbrëma, ndërsa nuk dihet saktë se ku ka ndodhur. Megjithatë të gjithë ata që kanë pasur rastin ta shohin kanë duartrokitur kalimtarin që i doli në ndihmë kësaj vajze. /Telegrafi/