Prodhues të shumtë vendës kanë promovuar prodhimet e tyre në panairin “Javët e Biznesit Kosovar 2018”, organizuar nga Aleanca Kosovare e Bizneseve (AKB), në bashkëpunim me Ministrinë e Tregtisë dhe Industrisë.
Kryetari i AKB-së, Agim Shahini, tha se “Javët e Biznesit Kosovar 2018”, organizohen tash e 16 vjet në Kosovë dhe në Ballkanin Perëndimor dhe që ka qëllim kryesor të promovojë ekonominë, të rrit konsumimin e prodhimeve Kosovare, të stimulojë bizneset vendore, të përmirësojnë cilësinë e prodhimeve sipas standardeve më të larta dhe të inkurajojë Qeverinë e Kosovës që të vazhdoj të krijojë mjedis të favorshëm afarist për një zhvillim më të hovshëm ekonomik.
Sipas tij, qytetarët duhet ngritur vetëdijen për të konsumuar prodhimet vendore, sepse konsumatorët munden edhe pa produktet serbe.
“Vetëm duke konsumuar prodhime shqiptare në zhvillojmë edhe vendin. Sot kemi kënaqësi të konsumojmë prodhime vendore e zëvendësim të atyre nga shteti fqinjë. Duhet të jemi besnik të prodhimeve tona”, tha Shahini.
Kurse ministri i Tregtisë dhe Industrisë, Endrit Shala, ka përgëzuar AKB-në për organizimin e “Javëve të Biznesit Kosovar 2018″.
Ai vlerësoi lartë organizimin dhe punën e madhe të AKB-së në ngritjen e vetëdijes së qytetarëve për konsumim të prodhimeve vendore për mbështetjen e bizneseve dhe prodhimit në përgjithësi. Ky projekt tradicional i cili këtë vit është organizuar në kuadër të “Ditëve të Biznesit të Vogël”, projekt ky i MTI-së i cili zbatohet nga KIESA, e që ka për qëllim të informoj bizneset për politikat zhvillimore qeveritare dhe njëherë të sensibilizojë qytetarët e Kosovës të konsumojnë prodhime vendore.
“Pra, që në fillimi te mandatit kam cekur se prioritetet e MTI-së, do jenë përkrahja e vazhdueshme e prodhuesve vendor dhe joshja e investitorëve të huaj, mbrojtja e konsumatorit, ngritja e cilësisë se produkteve vendore, zhvillimin e turizmit, etj.”, tha Shala
Ministri paraqiti disa nga aktivitetet e MTI-së që sipas tij të gjitha kanë për qëllim mbështetjen e kompanive kosovare dhe shfrytëzoj rastin të ftoj të gjitha kompanitë kosovare që të përcjellin aktivitet e MTI-së.
Javët paraqesin një mundësi te mirë të sensibilizimit të akterve kryesor për një bashkëpunim edhe më të mirë në mes të institucioneve qeveritare, kompanive prodhuese dhe konsumatorëve vendorë.
Zëvendësministri i Financave, Hyzer Gashi, tha se e mbështesin këtë organizim të rëndësishëm tradicional.
“Jemi të bindur se realizimi i qëllimit të tij primar e që është promovimi dhe shtytja e rritjes së konsumit të prodhimeve vendore, ndikon fuqishëm në zhvillimin e bizneseve dhe në këtë mënyrë edhe në zhvillimin ekonomik e shoqëror të vendit tonë. Motoja ‘Unë konsumoj prodhimeve vendore, po ju’, nuk e humb asnjëherë aktualitetin dhe ajo bëhet edhe më me peshë në rrethanat e reja të krijuara kohëve të fundit pas vendimeve të qeverisë për taksën në importin e prodhimeve nga Serbia dhe Bosnja e Hercegovina”, tha Gashi.
Edhe kryetari i Këshillit Kombëtar të Shqiptarëve në Kosovën Lindore, vlerësoi aktivitetin e AKB-së, i cili është realizuar më parë edhe në Preshevë, Medvegjë e Bujanovcë.
Edhe deputetja e Kuvendit të Kosovës, Emilija Rexhepi, ka dhënë mbështetje për prodhimet vendore që të ketë më shumë punësim e zhvillim.
Edhe Xhemail Dauti, nga Oda Ekonomike Maqedonisë Veri Perëndimore, vlerësoi të rëndësishëm këtë aktivitet, duke treguar se Maqedonia ka prodhime adekuate për tregun e konsumatorët e vendit. /Telegrafi/
Promo
Reklamo këtuLufta Prigozhin - Putin
Më shumëBesim Ramadani, personazh inspirues dhe shembull që duhet ndjekur
Shkenca e të Dhënave - Kombinim i Statistikës, Programimit dhe Biznesit
Telegrafi Jobs - Shoku yt për punë
Investimet nga diaspora, Lazim Destani: Duhet të punojmë bashkë që të arrijmë suksese
Rrjeti Global i Bizneseve të Diasporës, 10 vite suksese dhe bashkëpunime
HIB Petrol, sërish tatimpaguesi më i madh në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore