Me qëllim të funksionimit më të mirë, Kuvendi ka nisur ndryshimin e Rregullores e punës së Kuvendit. Në lexim të parë projekt-rregullorja e re ka kaluar, dhe tani është në fazën e amendamentimit. Nga pozita e vlerësojnë si avancim këtë projekt-rregullore, por kështu nuk mendon opozita.
Ka kohë që hartimi i Projekt-rregullores së re është në agjendë. Por vetëm tash ka arritur që të punohet nga grupi punues i përbërë kryesisht nga anëtarë të Komisionit për Legjislacion, dhe të procedohet në Kuvend.
Kryesuesi i këtij grupi, Hajdar Beqa, e vlerëson projekt-rregulloren e re, duke thënë se e forcon institucionin legjislativ.
“Është një rregullore më e avancuar, i rregullon disa çështje që kanë qenë konfuze në raport me rregulloren aktuale, avancon edhe mbikëqyrjen e kuvendit në raport me qeverinë dhe forcon rolin e kuvendit në harmonizim edhe me kushtetutën e vendit”, tha Beqa për Radio Kosovën.
Kryetarja e Komisionit për Legjislacion, Albulena Haxhiu, që është pjesë e grupit punues, thotë se gjatë hartimit të rregullores, nuk janë marrë parasysh propozimet e Vetëvendosjes për përfaqësimin dinjitoz të grave në Kryesinë e Kuvendit, propozimi që të mundësohet shkarkimi i udhëheqësve të bordeve apo institucioneve të caktuara, të cilave nuk iu kalojnë raportet në Kuvend, e propozime të tjera.
Andaj, ajo thotë se nuk është bërë punë e mirë në draftin e Rregullores së re të Kuvendit.
“Sidomos duke marrë parasysh faktin që pas miratimit të saj në parim, kur e ka marrë grupi punues, i drejtuar nga Hajdar Beqa, janë bërë disa prapakthime. Domethënë, edhe ato çështje relativisht të nevojshme që janë adresuar janë kthyer në grupet punues mbrapsht dhe kanë mbetur siç janë aktualisht”, tha Haxhiu për Radio Kosovën.
Me Rregulloren e re, sipas Haxhiut, nuk është adresuar si duhet as çështja e mungesës së deputetëve në seanca.
Artan Murati, nga KDI-ja, institut ky që ishte e përfshirë në grupet punuese, thotë se do duhej të rregullohej kjo çështje.
“Në bazë të rregullores së re normalisht që do duhej të sanksionoheshin këto veprime, të cilat po ndikojnë edhe në mosfunksionalizimin e kuvendit, edhe në mospërmbushjen e agjendës qoftë legjislative, ose pjesës tjetër të agjendës së Kuvendit”, tha Murati.
Kohëve të fundit Kuvendi i Kosovës po përballet me një situatë e cila ka bërë që shumë projektligje dhe vendime të tjera të mbesin pezull. Shkak për këtë është mungesa e kuorumit në votim, ngase kërkohet që të marrin pjesë në votim të paktën 61 deputetë. Kjo praktikë e nisur nga viti 2011, nuk pritet të ndryshojë as me Rregulloren e re të Kuvendit.
Hajdar Beqa, si kryesues i grupit punues, ka thënë për Radio Kosovën se është e pamundur të dilet përtej aktgjykimit të Gjykatës Kushtetuese.
Promo
Reklamo këtuLufta Prigozhin - Putin
Më shumëNga Rubrika
Dita e fundit e fushatës, partitë mbajtën tubimet përmbyllëse
Kurti, ambasadorëve të QUINT-it: Serbia, vitin e kaluar ka refuzuar nënshkrimin e Marrëveshjes Themelore
Iu bë atentat në Bruksel më 28 prill, ndërron jetë Agustin Kaza – dyshohet se u vra për gjakmarrje
DASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'