Filipçe: Po punohet që nga janari të punësuarit në shëndetësi të marrin paga më të larta

Ministri i Shëndetësisë Venko Filipçe, sot deklaroi se po bëhen përpjekje maksimale që të sigurohen mjete për rritjen e pagave për gjithë punonjësit shëndetësor nga fillimi i vitit të ardhshëm.

“E di saktësisht çfarë do të ndodh pasi kemi komunikim të vazhdueshëm edhe me sindikatën e Qendrës Klinike edhe me Shoqatën e motrave medicinale dhe teknikëve. Gjatë ditës së djeshme kemi biseduar rreth buxhetit. Disa punë po finalizohen. Po bëjmë përpjekje për të siguruar gjitha mjetet e nevojshme”, tha Filipçe, përcjell Telegrafi Maqedoni.

Ai shtoi se plani fillestar ka qenë që vetëm për mjekët të rriten pagat, ndërsa në shtator edhe për të punësurit tjerë, ndërsa tani tha po punohet që gjithë të punësuarit në shëndetësi të marrin paga më të mëdha.

“Gjatë ditëve të ardhshme do të dalim me informacione konkrete”, tha Filipçe.

Ndërsa sa i përket vaksinave, ai tha se ka mungesa të vaksinës për tetanusin, por nga java e ardhshme do të ketë në gjitha institucionet shëndetësore./Telegrafi/