Akil Koci fiton çmimin “Niketë Dardani”

Në një ceremoni të organizuar në kabinetin e Ministrit të Kulturës, Rinisë dhe Sportit, Kujtim Gashi, u bë ndarja e Çmimit Kombëtar për Veprimtari Jetësore “Niketë Dardani” dhe çmimeve vjetore për vepra muzikore për vitin 2017.

Në emër të jurisë e cila ka qenë në përbërje të Valton Beqirit, Baki Jasharit dhe Dafina Zeqirit, foli Beqiri cili shpjegoi se përveç çmimeve, fituesve iu ndanë edhe shpërblime financiare.

Pos Kocit, u shpërblyen edhe emra tjerë të muzikës në Kosovë. Kështu, çmimi për veprat vokalo-instrumentale dhe muzikore-skenike iu nda kompozitorit Krist Lekaj, për veprën “Requiem”. Çmimi për veprat orkestrale-simofonike dhe koncertale iu nda kompozitorit Mendi Mengjiqi për veprën “Simfoni”. Çmimi për veprën kamertale iu nda kompozitorit Ardian Halimi për veprën “Quartett”. Çmimi për veprat korale iu nda kompozitorit Kreshnik Aliçkaj për veprën “Siparantum”. Ndërkaq, çmimi për veprat solistike dhe duo iu dha kompozitorit Blondi Krasniqi për veprën “Temë me variacione”.

“Kjo ditë për mua është me të vërtetë ditë fantastike, ditë gëzimi, sepse kolegët e mi, duke filluar prej Krist Lekës, Fahri Beqirit, nuk më kanë harruar dhe besoj se ata do të vijnë shpejt në këtë vend ku jam unë”, tha Koci. /Telegrafi/