Një spektër i gjerë organizatash shoqërore dhe politike ka organizuar në Berlin dhe shumë qytete të tjera demonstrata të mëdha kundër racizmit dhe ndarjeve. Në protestën e Berlinit morën pjesë mbi 240 mijë njerëz.
Nën qiellin e hapur u mblodhën sipas organizatorëve në Berlin plot 242 mijë njerëz për të marrë pjesë në demonstratat e mëdha me titull “Unteilbar” (Të pandashëm).
“Jemi jashtëzakonisht të kënaqur me pjesëmarrjen”, tha bashkiniciatori i protestës për një Evropë të bashkuar dhe kundër ndarjeve e racizmit, Felix Müller.
Organizatorët kishin parashikuar se në Berlin do të mblidhen vetëm rreth 40 mijë njerëz. Policia fliste për dhjetëra mijëra njerëz, ndërsa mediat pohojnë se pohimet e organizatorëve për pjesëmarrjen shumë masive, mund të jenë të vërteta. Gjatë demonstratës nuk ka pasur ndonjë incident serioz.
Pjesëmarrësit brohorisnin “Thuaje me zë të lartë, thuaje qartë, ne jemi të pandashëm”, “Këtu nuk ka vend për nazistë”, shkruante në shumë pankarta. Shumë pjesëmarrës mbanin në duar simbole paqësore. Ndërsa në një pankartë të madhe shkruante “Solidaritet me viktimat e të djathtës, dhunës raciste dhe antisemitiste”.
Në skenën e përgatitur në Alexanderplatz u rikujtuan normat e Kartës së përgjithshme të të drejtave të njeriut, të miratuar para 70 vitesh.
“Ti ke të drejtë të mendosh lirshëm, të besosh ku dhe kë të duash, të mbrohesh nga përndjekjet dhe dhuna, të martohesh me kë të të duash – ide madhështore! Vlerat njerëzore dhe të drejtat e njeriut janë baza e një shoqërie moderne”, u tha në fjalime.
Zëdhënësja e Unteilbar, Theresa Hartmann, apeloi tek shoqëria civile.
“Ka ardhur koha që njerëzit të kuptojnë se ne jemi ata që duhet të nisim diçka, nëse duam të ndryshojmë gjërat”, tha Hartmann.
Në protesta merrnin pjesë njerëz nga të gjitha strukturat e shoqërisë, femra dhe meshkujt, të moshuar dhe fëmijë, njerëz nga Gjermania dhe vende të tjera.
Kolona prej gjashtë kilometrash parakaloi nëpër qendër të Berlinit, e në mesin e tyre ishin edhe këngëtarët Herbert Grönemeyer, Konstantin Wecker dhe Dota Kehr.
Unteilbar është një shoqatë ku përfaqësohen me qindra organizata dhe shoqata nga shoqëria civile, partitë politike, kisha, sindikatat. Ato thonë se në shoqërinë gjermane po zhvillohet një lëvizje shumë e rrezikshme në të djathtë, ku racizmi dhe shkelja e të drejtave janë bërë përditshmëri. Ndaj ka ardhur koha të ngrihet zëri kundër tyre. Ndër pjesëmarrësit ishin edhe publicistët Jan Böhmermann dhe Carolin Emcke, shoqatat e mjekeve, shefja e SPD Andrea Nahles, ministri i Jashtëm Heiko Maas. SPD, e Majta dhe Ekologjistët janë ndër nënshkruesit e iniciativës.
Por iniciativës nuk i është bashkangjitur kryetarja e të Majtës Sahra Wagenknecht, e cila ka kritikuar disa prej qëllimeve të organizimit. Ndonëse edhe ajo mbështetë iniciativat kundër lëvizjes së shoqërisë në të djathtë dhe racizmit. As CDU e landit të Berlinit nuk e ka mbështetur pa rezerva iniciativën Unteilbar, sepse nuk ishte dakord me mënyrën e organizimit dhe mbështetjen nga disa organizata. Për këtë shkak janë kritikuar nga organizatorët dhe demonstruesit. Demonstrata në shenjë mbështetjeje të iniciativës janë mbajtur edhe në disa qytete të tjera. Nuk ka të dhëna për ndonjë incident serioz. /DW/
Promo
Reklamo këtuLufta Prigozhin - Putin
Më shumëNga Rubrika
Para luftës kishte 3 mijë banorë, sot fshati ukrainas është shndërruar në gërmadha – pamjet nga ajri e dëshmojnë këtë
Zelensky thotë se ushtria ukrainase rrëzoi një aeroplan luftarak rus Su-25
Pamjet e një aksidenti të pazakontë në Britani – shoferi i dehur u përplas në ndërtesën e teatrit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Zelensky thotë se ushtria ukrainase rrëzoi një aeroplan luftarak rus Su-25
Para luftës kishte 3 mijë banorë, sot fshati ukrainas është shndërruar në gërmadha – pamjet nga ajri e dëshmojnë këtë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Dhjetë aeroportet më të pastra në botë - vetëm një është në Evropë
Pamjet e një aksidenti të pazakontë në Britani - shoferi i dehur u përplas në ndërtesën e teatrit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak