16: e 15: Ka përfunduar protesta në mbrojte të kufijve të Kosovës e organizuar nga Lëvizja Vetëvendosje.
Protesta ka përfunduar e qetë dhe me një koncert në fund, që po mbahet nga këngëtari Bim Bima.
Gjatë fjalimit të tij në protestë, lideri i VV-së, Albin Kurti, theksoi se kjo protestë paqësore dhe madhështore është për Thaçin dhe Vuçiqin, andaj presidenti Thaçi duhet ti mbetet vetëm i së kaluarës.
“Thaçi as një cent sa ishte kryeministër nuk i dha luginës. Ne nuk pranojnë kthim të kohës së Rankovicit. Nuk pranojmë të japim Ujmanin dhe Trepçës dhe maja e Pancicit. Nuk mund të bëjmë marrëveshje i cili ka shpërfillur arritjet e këtij vendit. Thaçit nuk i beson askush. Aventura e Thaçit duhet të ngelet ashtu siç është… Ky president po e mban një kryeministër vetëm në një këmbë, sikur vet që është me një këmbë”, tha ai.
Ai shtoj se Populli i Kosovës nuk e meriton një president si Thaçin.
“Ne kemi nevojë po ashtu edhe për një Qeveri të drejtë dhe të dinjitetshme. Ne kemi nevojë për zgjedhje për mirëqenie më të mirë”, tha ai.
***
E plotësuar- Deputetja e Lëvizjes Vetëvendosje, dhe e mbijetuara e masakrës në familjen Bogujevci, Saranda Bogujevci ka mbajtur fjalimin e parë në protestën që po mbahet në sheshin “Skënderbeu”.
Bogujevci tha se Serbia ja mori familjen por jo edhe kujtesën. Dhe kjo kujtesë sipas saj tregon se Serbia ka marrë shumë prej Kosovës ndërsa presidenti Hashim Thaçi po sillet sikur Kosova i ka borxh Serbisë.
“Ma morën familjen por nuk arritën të ma marrin kujtesën, e kaluara nuk do të harrohet nga asnjëri nga ne e duhet çdo ditë të dokumentohet…kjo histori nuk është vetëm e jona por e secilit në këtë vend. Dua që qytetarët e këtij vendi të trajtohen me dinjitet për të drejtën e tyre si qenie njerëzore.
Kurse minatori Isuf Boletini ka thënë që minatorët hynin në greva kur Serbia cenonte territorin e Kosovës dhe se do ta mbrojnë territorin sërish.
“Minatorët kanë ditur ta mbrojnë Kosovën ta mbrojnë atëherë do të dinë edhe tash. Ne nuk jemi për trazira duam një shtet ligjor e të drejtë për të gjithë. Por, ne nuk do të kursehemi për të realizuar të drejtat e këtyre qytetarëve. Trepça është e jona, ajo është e ardhmja e këtij vendi. Ne nuk do të lejojmë të jetë derdhur kot gjaku i dëshmorëve. Nuk kanë rënë për pazaret për liri” ka thënë ai.
————-
E plotësuar- Protestuesit janë mbledhur tashmë të gjithë para skenës së vendosur në sheshin “Skënderbeu”.
Në nisje të protestës është intonuar himni kombëtarë shqiptar. /Telegrafi/
———————
E plotësuar- Lideri i Lëvizjes Vetëvendosjes, Albin Kurti po mirëpritet me duartrokitje e brohoritje në Sheshin “Skënderbeu” në Prishtinë, që është paralajmëruar si pika e fundit e takimit e protestuesve që po kundërshtojnë idenë e korrigjimit të kufijve me Serbinë të propozuar nga presidenti Hashim Thaçi.
Protestuesit tashmë janë mbledhur në sheshin “Skënderbeu”, ku është paralajmëruar se do të ketë fjalime dhe muzikë.
“Me hajna nuk ka shtet”, “Albin Kurti”, “Luginën e duam sa Prishtinën”, ”Demokraci”, janë vetëm disa nga parullat e protestuesve sot.
—————————————————————————————————
Protestuesit e Lëvizjes Vetëvendosje tanimë kanë nisur marshin protestues nga Biblioteka Kombëtare drejt Sheshit ‘Skënderbeu’ në kryeqytet.
Përveç qytetarëve dhe aktivistëve të shumtë që i janë bashkuar protestës me moton “Një popull si nënshtrohet një njeriu”, të thirrur nga LVV-ja, në protestë janë parë edhe deputeti i Pavarur Korab Sejdiu, kryetari i Mitrovicës, Agim Bahtiri, pjesëtarë nga shoqëria civile.
Gjithçka, nga protesta e sotme mund ta ndiqni drejtpërdrejt këtu në Telegrafi.com. /Telegrafi/
———————
E plotësuar- Një numër i madh i protestuesve tashmë kanë arritur në Prishtinë, ku për pak qaste pritet edhe të nis protesta e thirrur nga Lëvizja Vetëvendosje.
Disa nga protestuesit fillimisht janë mbledhur tek Biblioteka Kombëtare, prej nga edhe do të nis marshi protestues deri tek sheshi “Skënderbeu”.
Po ashtu në përkrahje të kësaj proteste kanë dalë edhe punëtorët e minierës së Trepçës. Kujtojmë se protesta po mbahet kundër idesë së presidentit Hashim Thaçi për korrigjimin e kufijve. /Telegrafi/
—————————
Gjithçka gati për protestë, Njësia Speciale rrethon Qeverinë dhe Kuvendin (Foto)
Nga ora 14:00 pritet të nis protesta e thirrur nga Lëvizja Vetëvendosje me moton “ Një popull s’i nënshtrohet një njeriu”.
Në sheshin “Skënderbeu” ku edhe do të mbahet protesta pothuajse çdo gjë është gati.
Ndërkaq, kudo nëpër institucionet e vendit si në Qeveri dhe në Kuvend shihen forca të Njësisë Speciale të Kosovës të cilët janë bërë gati për kontrollin e protestës.
Kujtojmë se Lëvizja Vetëvendosje ka paralajmëruar se kjo protestë do të jetë paqësore. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Lajçak thotë se është i gatshëm për takim të ri për dinarin në Bruksel – por a do të ndodhë një i tillë?
Turizëm në katër stinë – si ka ndryshuar trendi në Shqipëri vitet e fundit
Besnik Berisha: Enver Sekiraqa nuk është arratisur
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Fajde nga zyrtari policor - rrëfimi i viktimës se si e humbi pronën
As të dielën nuk gjendet Enver Sekiraqa, pse u la ai në arrest shtëpiak?
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Thaçit i shkojnë për vizitë në Hagë prindërit e tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare