Gjermania fut në shërbim trenat e parë në botë të fuqizuar nga hidrogjeni

Trenat e parë në botë me hidrogjen kanë hyrë në shërbim në Gjermani. Të dy trenat janë pjesë e një shërbimi që kalon përgjatë një piste 100 kilometërshe në vend. Trenat janë krijuar nga një kompani franceze e quajtur Alstom dhe ata po lëvizin në një rrugë që më parë ishte përdorur nga lokomotivat me naftë.

Trenat me fuqi hidrogjeni nuk janë aspak të paaftë. Ata janë të aftë të godasin një shpejtësi maksimale prej 140 km në orë dhe të arrijnë distancë prej 900 km. Kjo u lejon atyre të bëjnë nëntë udhëtime në një rezervar të vetëm. Trenat përdorin qelizat e karburantit që kombinojnë hidrogjenin dhe oksigjenin për të prodhuar energji elektrike. Kjo energji elektrike ruhet në bordin e baterive për t’u përdorur më vonë, shkruan Ubergizmo.

Këto trena janë më të shtrenjtë sesa homologët e tyre të naftës, por janë më të lirë për punë dhe gjithashtu ndihmojnë në minimizimin e dëmeve të ambientit nga lokomotivat me bazë në karburantet fosile, pasi ato lëshojnë vetëm avull dhe ujë. Kjo është një nga arsyet kryesore pse vendi ka vendosur të bëjë kalimin në trenat me hidrogjen, transmeton Telegrafi.

Gjermania po planifikon të zgjerojë përdorimin e trenave me hidrogjen në vitet e ardhshme. Alstom ka në plan të ndërtoj edhe 14 trena hidrogjeni për Gjermaninë deri në vitin 2021. Franca do të përdorë gjithashtu këta trena, treni i parë i hidrogjenit atje pritet të hyjë në shërbim deri më 2022. /Telegrafi/