Për shkak të stuhisë Florence, që goditi Karolinat, thuajse një milion shtëpi dhe biznese mbetën pa energji elektrike, ndërsa stuhia tropikale “Florence” ka përfshirë një pjesë të konsiderueshme të jugut amerikan.
Shtëpia e Bardhë njoftoi të shtunën se Presidenti Donald Trump e shpalli Karolinën e Veriut “zonë fatkeqësie”. Ky vendim bën të mundur dhënien e fondeve dhe burimeve të tjera federale për përpjekjet e rimëkëmbjes nga stuhia.
Qendra Kombëtare për Uraganet tha se stuhia ka shkaktuar përmbytje katastrofike në Karolinën e Veriut dhe të Jugut. Agjencia për motin tha se ekziston mundësia për tornado në pjesën juglindore të Karolinës së Veriut dhe verilindje të Karolinës së Jugut.
Guvernatori i Karolinës së Veriut Roy Copper tha se “Florence” mund të shkatërrojë komunitete të tëra.
Uragani e uli fuqinë, në një stuhi tropikale kur goditi Karolinën e Veriut, nga uragan i kategorisë së parë me erëra shkatërruese dhe shira të rrëmbyer, duke shkaktuar të paktën pesë të vdekur.
Policia në Uillmington tha se një nënë dhe foshnja e saj humbën jetën, kur një pemë u rrëzua mbi shtëpinë e tyre. Një tjetër grua humbi jetën nga infarkti, ndërsa ambulancat nuk arritën dot shpejt tek ajo, si rezultat i pemëve të rrëzuara. Një 78 vjeçar e zuri korenti, ndërsa përpiqej të lidhte kabllot elektrike në shi. Një tjetër person humbi jetën kur erërat e forta e përplasën, ndërsa po kontrollonte për qentë e tij.
Qendra Kombëtare për Uraganët tha se stuhia po ecën me ngadalë në brendësi me erëra të qëndrueshme që kapin shpejtësinë 80 kilometra në orë. Nga mbrëmja e së premtës, epiqendra e stuhisë ishte zhvendosur në Karolinën e Jugut. Lëvizja e ngadaltë e stuhisë, dhe jo forca e saj, është ajo që po shqetëson parashikuesit e motit dhe zyrtarët.
Qindra njerëz në Karolinën e Veriut janë shpëtuar nga niveli i rritur i ujërave. Autoritetet thonë se kanë marrë më shumë se 150 telefonata vetëm në qytetin historik “New Bern” për të shpëtuar njerëz, pasi në shtëpitë e tyre kishte hyrë uji. Qendra e uraganeve parashikon deri në 101 centimetra shi për disa pjesë të Karolinës së Veriut.
Të shtunën, stuhia me erëra me fuqi 75 kilometra në orë, arriti në Karolinën e Jugut, në pjesën lindore të shtetit, rreth 85 kilometra në perëndim të qytetit-rezort “Myrtle Beach”.
Florence pritet të dobësohet të shtunën në mbrëmje, gjatë lëvizjes në brendësi të kontinentit./VOA
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Blinken në Tel Aviv: Hamasi duhet të pranojë propozimin për armëpushim
Ukrainasit sërish sulmojnë me dron një rafineri nafte në Rusi
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit