Gjykatësja Gosheva propozon që Gjykata Kushtetuese të lëshojë një masë të përkohshme që ndalon të gjitha aktivitetet për referendumin

Gjykatësja Elena Gosheva propozon që Gjykata Kushtetuese të lëshojë masë të përkohshme – ndalim i të gjitha aktiviteteve për mbajtjen dhe zbatimin e referendumit, njofton “Makfas” nga burime në gjykatë.

Sipas të njëjtave burime, Gosheva është gjyqtarja bartëse e iniciativës në vlerësimin e kushtetutshmërisë së vendimin për caktimin e referendumit dhe ajo në referat propozon që Gjykata të ndërmarrë veprime, përcjell Telegrafi Maqedoni.

Seanca ku do të shihet kjo iniciativë është caktuar për ditën e mërkurë.

Deri te gjykata kanë ardhur dy iniciativa, njëra nga “E majta”, ndërsa tjetra nga “Kongresi Botëror Maqedonas”.

Sipas partisë politike E majta, vendimi për referendum është në kundërshtim të kushtetutës dhe në kundërshtim me Ligjin për referendum sepse, ky dokument nuk i ka të gjithë pjesë që duhet t’i ketë, bëhet fjalë për pyetje e shumëkuptimshme dhe manipulative dhe e treta, se referendum ka të bëjë me bashkimin me BE-në që është subjekt i rregullave tjera për vendim./Telgrafi/