Policia shqiptare bllokon një kamion, shpallet në kërkim 43 vjeçari nga Gjakova

Policia shqiptare njofton se ka bllokuar një kamion, pasi mjeti dyshohet se i është marrë një qytetari nga Deçani.

Me ketë rast po punohet për kapjen e një qytetari nga Gjakova, pasi i njëjti kishte blerë mjetin nga deçanasi dhe nuk i ka paguar paratë, përcjell Telegrafi.

Materialet u referuan në Prokurorinë pranë Gjykatës së Shkallës së Parë Durrës dhe gjakovari do të përballet me akuzat për mashtrim.

Vjedhja e pasurisë me anë të gënjeshtrës ose shpërdorimit të besimit dënohet me gjobë ose me burgim gjer në pesë vjet, sipas Kodit Penal të Republikës së Shqipërisë.

Njoftimi i plotë i policisë
Më datë 04.09.2018, u referuan materialet në Prokurorinë pranë Gjykatës së Shkallës së Parë Durrës, për shtetasin B.H., vjeç 43, banues në Gjakovë Kosovë, pasi më datë 17.08.2018 , me anë të mashtrimit, shtetasit A.Gj., vjeç 44, banues në Deçan Kosovë, i ka blerë një kamion dhe nuk i ka dhënë lekët. Mjeti u gjet dhe u bllokua në cilësinë e provës materiale në fshatin Pjezë. Po punohet për kapjen e B.H. Neni 143/1 i Kodit Penal./Telegrafi/