Gashi publikon këngën e re “Creep On Me” në bashkëpunim me French Montanën dhe DJ Snake

Reperi i njohur kosovar, Gashi, i cili prej vitesh jeton dhe vepron në Amerikë, ka publikuar së fundmi këngën e tij më të re.

“Creep on me” mban titullin kënga e tij e re, të cilën ai e sjell në bashkëpunim me reperin me renome botërore, Fench Montana, dhe DJ Snake.

https://www.youtube.com/watch?v=umHq7Z1ka2Y

Kënga është publikuar në YouTube vetëm në versionin audio, ndërsa pritet që së shpejti të vijë edhe me klip.

Gashi është shumë i pëlqyer nga publiku shqiptar, ndërsa vetëm pak ditë më parë ai ishte prezent në Kosovë, ku perfomroi në kuadër të festivalit “Sunny Hill”.

Ai ndezi atmosferën për të pranishmit, teksa u ndje i lumtur që pati rastin për herë të parë të perfomojë para fansave të vendit të vet.

Ndërkohë, French Miontana, është reperi me famë ndërkombëtare, i cili i ka shumë qejf shqiptarët.

Në vitin 2017, Montana ishte pjesëmarrës në klipin “Four Sesons” të Dafina Zeqirit, ndërsa po atë vit, në shtator kishte publikuar një bashkëpunim me Era Istrefin, të titulluar “No I love Yous”.

Kështu, “Creep on me” bëhet bashkëpunimi i tij i dytë me një artist shqiptar, në këtë rast me artistin Gashi. /Telegrafi/