“Festa e Miqësisë” tani edhe në Kosovë


Në vitin e katërt të saj, “Festa e Miqësisë” organizuar nga birra Elbar, ndalon në të gjitha qytetet e Shqipërisë duke ofruar muzikë Live, argëtim dhe birrë Elbar për të gjithë miqtë e vërtetë.

Kjo festë është vendi ideal për të kaluar mbrëmje të paharrueshme nën tingujt muzikorë të artistëve me të mirënjohur shqiptarë si, Aleksandër Gjoka, Redon Makashi, Elton Deda, Eugent Bushpepa, Bujar Qamili, Anxhela Peristeri, Eneda Tarifa, Endri&Stefi, Devis Xherahu etj.

Këtë vit, për herë të parë, birra Elbar organizon “Festën e Miqësisë” edhe në shtatë qytetet kryesore të Kosovës, duke filluar me qytetin e Gjakovës më datë 5 Korrik dhe për të vazhduar çdo javë në sheshet kryesore të qyteteve si, Peja, Mitrovicë, Ferizaj, dhe Gjilan.

Në këtë festë kanë performuar këngëtarët më të mirënjohur të Kosovës si, Mentor Haziri, Flaka Krelani, Offchestra, Valon Shehu, BB Poqi, Grupi NA, dhe shumë të tjerë.



Këtë javë karavani i ”Festës së Miqësisë” ndalon në qytetin e bukur dhe historik të Prizrenit në datat 16 – 19 Gusht për ta transformuar parkun e bukur të Marashit në një ambient festiv me performancat më të mira LIVE me artistë si Valon Shehu, Nita Latifi, Besnik Nurkollari, Mentor Haziri dhe për të kulmuar të dielën me legjendat e muzikës shqiptare; Aleksandër Gjoka, Redon Makashi dhe Elton Deda të njohur po ashtu edhe si 3 musketjerët e muzikës cilësore.

Qyteti i Prizrenit do të ndizet me muzikën më të mirë, miqtë e vërtetë dhe birrën Elbar e cila prodhohet në fabrikën e famshme të ujit Glina në Gjirokastër, birrë e cila ka fituar për dy vite radhazi më 2016 dhe 2017 çmimin prestigjioz për cilësi “Monde Selection”.

Festa e Miqësisë. Festë për miq të vërtetë!