Presidenti i vendit, Hashim Thaçi, muajin e kaluar e kishte ‘ekzagjeruar’ një princip të tij sa i përket takimeve zyrtare, duke deklaruar se njerëz që ‘kanë probleme me ligjin’ nuk mund të jenë prezentë në takimet e tij.
Këtë deklaratë, e kishte dhënë pas takimit të kryeministrit Ramush Haradinaj me përfaqësuesit e Listës Serbe.
Gjatë kohës kur Thaçi po vizitonte një fabrikë vendore u pyet lidhur me takimin e Haradinajt me Milan Radojçiqin dhe Goran Rakiq, nënkryetari dhe respektivisht kryetari i Listës Serbe.
Ai potencoi se si President mund të takohet me të gjithë përfaqësuesit e partive politike, por sipas tij jo me ata që kanë probleme me ligji.
“Unë takohem me përfaqësuesit e të gjitha partive politike, shqiptarë dhe jo shqiptarë. Takohem për të diskutuar për hapat të mëtutjeshme të vendit në procesin euroatlantik… por edhe për të komunikuar dhe për t’iu shërbyer të gjithëve. Natyrisht se çdo përfaqësi politike që kërkon takim në Presidencë verifikohet përbërja e delegacioneve që ata që kanë probleme me ligjin nuk mund të jenë prezentë në takimet që mban Presidenti i vendit pavarësisht nga etnia që e ka”, ka thënë Thaçi.
Por, Thaçi i ka hëngër fjalët veta.
Ai, të mërkurën është takuar pikërisht më njerëzit që kanë aktakuzë, për posedim të paautorizuar të armëve. Ish kryetarin e Skenderajt Sami Lushtaku dhe Ministrin e Diasporës, Dardan Gashi.
Rishtazi, Sami Lushtaku u bë pjesë edhe një aktakuze që ka të bëjë me mbajtje nën kontroll dhe posedim të paautorizuar të armëve
Prokuroria e Gjakovës në maj kishte ngritur aktakuzë për mbajtje nën kontroll dhe posedim të paautorizuar të armëve ndaj Ministrit të Diasporës, Dardan Gashi së bashku me pesë persona të tjerë, përfshirë Sami Lushtakun.
Në fund të vitit të kaluar, në medie u publikua videoja që u tha se është xhiruar në festën që Fatmir Limaj e organizuar në Banjë të Malishevës pas lirimit nga akuzat për krim të organizuar dhe shpërdorim detyre, policia dhe prokuroria kishin filluar hetimet.
Në video shihet që Sami Lushtaku, Dardan Gashi dhe i liruari tjetër nga akuzat Endrit Shala, gjuajnë me armë pa kontroll, vetëm duke hapur dritaret e odës ku festojnë lirimin e Limajt.
Duhet kujtuar se Thaçi në vazhdimësi takohet me Lushtakun, duke e konsideruar mik të afërt.
Më parë gjatë shkurtit, Thaçi ka dekoruar Lushtakun me Medaljen Presidenciale Jubilare të dhjetëvjetorit të Pavarësisë./Telegrafi
Lufta Prigozhin - Putin
Më shumëArjeta Puca, sipërmarrësja që prodhoi makinën e parë të blinduar ushtarake në Shqipëri
Haxhiu nga Podujeva vdiq në Qabe, teologu tregon pse trupi i të ndjerit nuk mund të kthehet nga Arabia
Krerët e institucioneve dhe të partive politike shprehin ngushëllime për vdekjen e Sylë Tahirsylajt
Ish-politikani zviceran që jetoi me vuajtjet e kosovarëve gjatë vitit 1999
Thaçin e vizitoi i vëllai për Bajram: Të fala keni nga Haga
Vdes profesori i meteorologjisë, Sylë Tahirsylaj
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?
Arjeta Puca, sipërmarrësja që prodhoi makinën e parë të blinduar ushtarake në Shqipëri
Shuma marramendëse e parave që skuadra e Anglisë do të marrë nëse fiton në Euro 2024
Lojtarët e Zvicrës festuan fitoren me familjarët e tyre - të afërmit e Granit Xhakës në tribuna, spikat gruaja shqiptare e Renato Steffen
Shqiptarët dhe serbët u përleshën në qendër të Gelsenkirchen
UEFA hap procedurë disiplinore ndaj Shqipërisë pas ndeshjes me Italinë