PLD: Presim që qytetarët në masë të madhe të dalin në referendum

Partia Liberal Demokratike ka një qëndrim të qartë në mbështetje të referendumit të ardhshëm dhe prandaj u bëjmë thirrje qytetarëve që të vendosim së bashku për të ardhmen tonë dhe të dalim dhe të votojnë, deklarojnë nga partia.

“Para nesh është një moment historik në të cilin varet e ardhmja e Republikës së Maqedonisë. Në këto momente, gjëja më e rëndësishme është të bashkohemi dhe të jemi krenarë për veten tonë, sepse si vend nuk kemi alternativë tjetër përveç BE-së dhe NATO-s.

Prandaj, u bëjmë thirrje qytetarëve që të dalin në masë të madhe në referendum dhe të vendosin për të ardhmen e tyre.

Ne Liberal Demokratët, mendojmë se për një pyetje të tillë, partitë politike nuk kanë nevojë të taktizojnë dhe të sigurojnë nëse do të dalin në votim ose jo, duke mbledhur pikë të lira politike. Ky është një vendim historik dhe çdo qytetar duhet të tregojë qëndrimin e tij nëpërmes votës së tij.

Për të gjithë ne, Maqedonia është një shtet i përbashkët pavarësisht nga feja, etnia, angazhimi politik dhe ne të gjithë duhet të vendosim se në çfarë vendi do të jetojmë.

Partia Liberal Demokratike është kategorike se vendimi i qytetarëve është i detyrueshëm dhe vetëm i drejtë!

Ne po u drejtohemi të gjithë qytetarëve të Maqedonisë për të mbështetur referendumin dhe çështjen e referendumit si një instrument të lartë demokratik për shprehjen e vullnetit të qytetarëve”, thuhet në deklaratën e partisë./Telegrafi/