Koreja Veriore “po punon në ndërtimin e raketave të reja balistike”

Satelitët spiunë të Shteteve të Bashkuara kanë vënë re aktivitet të vazhdueshëm në një objekt të Koresë së Veriut, ku janë prodhuar raketat e para balistike ndërkontinentale të këtij vendi, me kapacitet për të arritur SHBA-në.

Gazeta Washington Post citoi zyrtarë të paidentifikuar amerikanë të kenë thënë se Koreja e Veriut duke se po ndërton një ose dy raketa të tilla të reja në fabrikën Sanumdong, pranë kryeqytetit Phenjan.

Reuters citoi në zyrtar tjetër të ketë thënë se imazhet satelitore tregojnë automjete që lëvizin brenda dhe jashtë objektit, porse nuk tregojnë se sa mund të ketë avancuar ndërtimi i raketës.

Raportet vijnë në kohën kur marrëdhëniet midis Uashingtonit dhe SHBA-së kanë nisur të ngrohen, transmeton Evropa e Lirë.

Pas takimit në Singapor, muajin e kaluar, presidenti i Shteteve të Bashkuara, Donald Trump, dhe lideri veri-korean, Kim Jong Un, janë zotuar se do të punojnë drejt denuklearizimit të plotë të Gadishullit Korean.

Megjithatë, nuk janë dhënë detaje se si apo kur Phenjani do të heqë dorë nga armët bërthamore.

Koreja e Veriut, e cila ka përparuar shpejt në programin e saj bërthamor gjatë dy vjetëve të fundit, ka kryer gjithsej gjashtë teste bërthamore.