Vuçiq: Britania po kërkon që Serbia ta njoh Kosovën pa kushte

Presidenti i Serbisë, Aleksandar Vuçiq, theksoi sot se Britania nuk është kundër zgjidhjes së çështjes së Kosovës, “por ata duan që Serbia të njohë pavarësinë e Kosovës në kapacitet të plotë, që assesi nuk është një zgjidhje kompromisi”.

Presidenti serb, pasi vizitoi punimet në anashkalimin rreth Beogradit, tha sot për mediat serbe, se “edhe pse ata [anglezët] nuk e përcaktojnë në atë mënyrë, duan që Serbia të njohë pavarësinë e Kosovës”.

“Nga këndvështrimi i tyre, kjo për ta është një zgjidhje dhe në atë mënyrë Serbia të mos marr asgjë. Ky nuk është një kompromis për ne dhe, kurse Serbia është për një kompromis”, tha Vuçiq, përcjell Telegrafi.

Ai tha se nuk është i sigurt se ata nuk janë të vetmit që po kërkojnë diçka të tillë, “por ata po tregojnë qartë se pozicioni i tyre është ai vitit 2008 [kur Britania e Madhe e njohu pavarësinë e Kosovës].

“Ky ishte qëndrim i tyre qysh herët, por ata u paraqiten ‘anglezë’ deri në vitin 2008, kur përfundimisht e qartësuan pozicionin e tyre. Ata shpresojnë që Serbia ta njohë Kosovën me kapacitet të plotë. Unë nuk dua të flas se sa realiste është kjo, “shpjegoi ai. /Telegrafi/