Blerina Kllokoqi-Rugova me event madhështor për shënimin e 10 vjetorit të karrierës

Stilistja e njohur kosovare, Blerina Kllokoqi-Rugova shënon 10 vite në karrierën e saj.

Këtë jubile, ajo ka vendosur ta shënojë me një mbrëmje madhështore, të organizuar në sheshin “Ibrahim Rugova” në Prishtinë.

https://www.instagram.com/p/BhcDARdh-Fh

Eventi do të jetë privat dhe me shumë të ftuar specialë, ndërsa do të prezantohen veshjet më të reja të stilistes.

Mbrëmja mbahet më datë 20 korrik, teksa Kllokoqi-Rugova është treguar mjaft kreative edhe në dizajnimin e ftesave.

Ajo ka menduar që të ftuarve t’iu dhurojë ftesa në formë “vizash”, duke iu përshtatur kështu edhe gjendjes aktuale politike në vend, e cila është e lëkundur nga çështjet për liberalizimin e vizave.

Në ftesë, në vend të stampimeve dhe datave, ajo ka të vendosur emrat e koleksioneve të saj të suksesshme ndër vite.

Kllokoqi-Rugova është njëra ndër stilistet më të pëlqyer në Kosovë, ndërsa për vite me radhë ka veshur emra të njohur.

Kurorëzimin e një pune të palodhur, ajo do ta bëjë edhe në mesin e familjarëve, të cilët në gjithë këto vite kanë qenë një mbështetje e vazhdueshme për të. /Telegrafi/