Selmani deri tek Mançevski: Në vend që në Facebook, kjo çështje duhet të ngritet në Kuvend

Kryetari i Shoqatës së Gazetarëve të Maqedonisë, Naser Selmani, duke komentuar deklaratën e Ministrit të Shoqërisë Informatike dhe Administratës, Damjan Maçevski mbi shërbimin e servisit publik RTVM, theksoi se në vend që në Facebook, kjo çështje duhet të ngrihet në Kuvend. Sipas tij, anëtarët e Këshillit Programor në RTVM, janë zgjedhur në mënyrë joligjore dhe në të ka anëtarë të OBRM-PDUKM-së. Prandaj, siç thotë Selmani, Mançevski duhet t’i kërkojë Komisionit për zgjedhje dhe emërime për të tërhequr mandatet e tyre, përcjell Telegrafi Maqedoni.

Profesori Universitar, Sefer Tahiri thotë se nisja e një reviste informative me lajmin se Ivanovi nuk e nënshkroi marrëveshjen, në ditën kur Maqedonia merr një datë për fillimin e bisedimeve të anëtarësimit në BE, dëshmon se ky radio stacion vazhdon t’i shërbejë politikës së OBRM-PDUKM-së. Sipas tij, punonjësit në këtë televizion duhet të kuptojnë se ata duhet të punojnë në interes të publikut, jo në interes të një partie. /Telegrafi/