Bateristi dhe bashkëthemeluesi i bendit legjendar “Pantera”, Vinnie Paul, ka ndërruar jetë të premten mbrëma.
Përmes një postimi në Facebook, grupi ka njoftuar për vdekjen e rokerit, i cili ishte 54 vjeçar, ndërsa nuk janë dhënë detaje për shkakun e vdekjes.
Muzikanti nga Teksasi e themeloi grupin “Pantera” në vitin 1981 së bashku me vëllanë e tij, “Dimebag” Darrell Abbott, ndërsa pos hiteve të shumta, kanë siguruar edhe katër nominime Grammy dhe kryesimin e top-listave amerikane në vitin 1994.
Grupi u shpërbë në vitin 2003 pas mosmarrëveshjeve në grup dhe kërkesës së këngëtarit për t’u larguar.
“Vincent Paul Abbott, i njohur si Vinnie Paul, ka ndërruar jetë. Paul është më së miri i njohur për punën e tij si baterist në grupet ‘Pantera’ dhe ‘Hellyeah’. Aktualisht nuk ka detaje të tjera. Familja kërkon respektin tuaj për privatësinë në këto momente”, thuhet në njoftimin e grupit.
Albumi “Vulgar Display of Power” i “Pantera” konsiderohet si një prej albumeve ‘heavy metal’ me ndikim më të madh në vitet e nëntëdhjeta.
Pas shpërbërjes së “Pantera”, Paul dhe Dimebag e formuan grupin e ri “Damageplan” në vitin 2004. Mirëpo, më 8 dhjetor të atij viti, “Dimebag” Darrell Abbott u vra në skenë gjatë një koncerti në Columbus të Ohios.
Ish-marinsi Nathan Gale e vrau me pesë plumba në kokë kitaristin dhe vokalistin, ndërsa publiku në fillim kishte menduar se ishte një interpretim skenik. Gale kishte vrarë edhe tre persona dhe i kishte plagosur shtatë të tjerë duke gjuajtur në total 15 plumba.
Gjatë gjithë kohës, vrasësi ishte përpjekur ta gjente edhe Vinnien për ta vrarë, por nuk kishte arritur ta qëllonte. Pos Dimebag, ish-marinsi e kishte vrarë shefin e sigurimit të grupit, Jeff ‘Mayhem’ Thompson, një punonjës në arenën ku u mbajt koncerti, si dhe një fans që ishte përpjekur t’i ndihmonte dy të vrarët. Tekniku i baterive të “Damageplan”, John ‘Kat’ Brooks, ishte gjuajtur me tre plumba, teksa tentoi ta çarmatoste vrasësin, por kishte shpëtuar. I plagosur mbeti edhe menaxheri i turneut, Chris Paluska.
Më pas, vrasësi kishte marrë pengje në përpjekje për të ikur, por është vrarë në vendin e ngjarjes nga policia. Për motivin e vrasjes, fillimisht ishte thënë se Gale ishte fans i flaktë i “Pantera” dhe i akuzonte dy vëllezërit për prishjen e grupit, ndërsa më vonë është thënë se ai dyshonte se “Damageplan” ia kishte vjedhur një këngë që ai e kishte shkruar. /Telegrafi/
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
Menaxheri i Xhensilës reagon pas deklaratave të Robert Berishës, publikon mesazhet
E dashura e re e Jude Bellingham, Laura Celia Valk, kthehet në Madrid për të kaluar kohë me futbollistin
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
Aktorja më e pasur në botë ka afro tre miliardë euro pasuri - por shumica as nuk kanë dëgjuar ndonjëherë për të
Jennifer Lopez vishet me fustanin e krijuar nga stilistja shqiptare, Diana Qerimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'