Jolie viziton qytetin e rrënuar të Mosulit dhe refugjatët sirianë në Irak

E dërguara speciale e OKB-së për refugjatët, Angelina Jolie, gjatë të dielës e ka vizituar kampin e refugjatëve sirianë në veri të Irakut, për t’i mbështetur të ikurit nga lufta disavjeçare në Siri.

Ylli hollivudian e ka vizituar kampion Domiz, në të cilin qëndrojnë 33.000 refugjatë, të larguar nga lufta që po zgjat qe shtatë vite.

43-vjeçarja ka arritur atje në orët e hershme të mëngjesit dhe është takuar me familjet që ndodheshin në kamp.

Një ditë më parë, Jolie e kishte vizituar Mosulin, qytetin verior të Irakut, të cilin forcat qeveritare e kanë kthyer nën kontroll në vitin e kaluar duke triumfuar ndaj militantëve të Shtetit Islamik.

Lexo po ashtu Të gjitha lajmet për Angelina Jolie

Gjatë kohës sa ishte nën ISIS-in, nga qyteti kishin ikur rreth 900.000 njerëz. Në Mosul, Angelina është takuar me banorët lokalë, si edhe i ka vizituar vendet e bombarduara.

Tashmë në disa pjesë të qytetit është kthyer jeta normale, ndërsa refugjatët kanë nisur të kthehen në shtëpitë e tyre.

Qyteti i vjetër i Mosulit është shkatërruar, mirëpo tash është duke u rindërtuar ngadalë.

“Këto janë shkatërrimet më të mëdha që i kamë parë gjatë të gjitha viteve të mia në UNHCR. Njerëzit këtu kanë humbur gjithçka”, ka thënë Jolie, transmeton Reuters.

Aktorja punon për UNHCR që nga viti 2001, ndërsa kjo është vizita e saj e pestë në Irak. /Telegrafi/