Apple pritet të sjell portin USB-C në iPhone-in e ardhshëm 

Apple mund të heqë portën e tanishme Lightning nga iPhone X në iPhone-in e saj të ri,  në favor të USB-C.

Kjo është një thashetheme nga zinxhiri i furnizimit që sugjeron se ky ndryshim drastik në llojin e portit duhet të ndodhë në iPhone-in e ri në 2019. Pra, ka gjasa që nuk do të shfaqet në linjën e iPhone 2018 që pritet në shtator.

Sipas burimit të brendshëm, Apple është duke ripërpunuar ngarkuesin dhe ndërfaqen për pajisjet e ardhshme të iPhone dhe iPad. Me USB-C tashmë të gjetur në MacBook të Apple, ky adaptim i pajisjes ka kuptim.

Spekulimi ndjek thashethemet e mëparshme që kanë sugjeruar se Apple do të sjell një ngarkues të shpejtë 18W me iPhone e tyre të ri këtë vit. Kjo duhet të kursejë paratë e njerëzve, ndërkohë që u mundëson aftësi të ngarkimit të shpejtë të iPhone për zero deri në 50 për qind për vetëm gjysëm ore, raporton T3.

MacBook dhe iPhone aktual nuk do të mund të punojnë nga i njëjti ngarkues, me gjasë, për shkak të aftësive të ndryshme të futjes së energjisë. Por ndoshta në të ardhmen Apple do të ketë një ngarkues për të sunduar të gjithë.