Arsyet që i dhanë të drejtë SHBA-së, Kanadasë dhe Meksikës për të organizuar botërorin e vitit 2026

Botërore 2026 do të organizohet pre tre shteteve të Amerikës së Veriut.

Shtetet e Bashkuara të Amerikës, Meksika dhe Kanada pas votimit të Kongresit të FIFA-s të mbajtur të mërkurën në Moskë, kanë fituar të drejtën për të qenë mikpritës të botërorit që do të mbahet pas tetë vjetëve.

Në këtë formë, këto shtete kanë mposhtur kandidaturën e Marokut, i cili shtet kishte aplikuar për herë të pestë përgjatë 70 vjetëve të fundit.

Mediat e huaja kanë renditur pesë arsyet se pse këto tre vende kanë fituar të drejtën për të organizuar botërorin.

Më poshtë janë të renditur arsyet kryesore:

Pesha politike – Është e qartë se pesha politike e Shteteve të Bashkuara (plus Kanadaja dhe Meksika) është shumë më e madhe se sa e Marokut, sa i përket ndikimit global.

Paraja – Një Kupë Botërore është një makinë që prodhon para. Dhe kandidatura e udhëhequr nga Shtetet e Bashkuara vlerëson të ardhura prej rreth 14,3 miliardë dollarë, pothuajse dyfishi i asaj që organizatorët llogarisin në Maroku. Një argument ekonomik që ka peshuar shumë.

Stadiumet – Edhe pse tetë vjet mbeten për këtë ngjarje, stadiumet amerikane paraqesin një fytyrë më të mirë. Mjafton të thuhet: në Maroko do të duhet të ndërtohen të paktën nëntë sosh me një investim prej 16 miliardë dollarësh, ndërsa tre vendet amerikane kanë nevojë vetëm për vetëm tre miliard dollarë (në stadiume).

Infrastruktura – Në këtë pikë, e cila është gjithmonë subjektive, është e nevojshme të apelohet në raportin e bërë nga teknikët e FIFA-s, në të cilën ata e vlerësuan në mënyrë të qartë Marokun si të pafavorshëm në raport me tre vendet e Amerikës së Veriut.

Rrotullimi i vendeve – Afrika e Jugut e organizoi në vitin 2010, kujtim i mirë për Spanjën. Prandaj, duke organizuar edhe një tjetër botëror në atë kontinent në vitin 2026 nuk është marrë parasysh. Nga ana e saj, shtetet e Amerikës së Veriut e kishin organizuar në të kaluarën tre herë Kupën e Botës: Meksika (1970 dhe 1986) dhe Shtetet e Bashkuara 19994. /Telegrafi/