“Gjigantët” takohen në Paris: Meshkujt më të gjatë në botë shëtisin nëpër qytet, disa prej tyre e kanë 68 numrin e këmbës (Video)

Disa prej meshkujve më të gjatë në botë, në mesin e të cilëve është një 2 metra e 46 centimetra, kurse një tjetër bartë këpucë numër 68, janë mbledhur në Paris që të bisedojnë me kalimtarët e rastit të cilët befasisht u ndjenë të vegjël.

Ata kanë shëtitur në Champs Elysee, duke fituar vëmendjen e kalimtarëve me të cilët bënin selfie, transmeton Telegrafi.

Një turist francez i cili nuk mund të ndalej duke qeshur dhe që është vetëm 158 centimetra i gjatë, ka pranuar se kurrë nuk ka besuar se do të takojë njerëz kaq shumë të gjatë.

https://twitter.com/realPressPlus/status/1002887048972230656

Aty ishte edhe Heison Orlando Rodrigues i gjatë 232 centimetra, i cili kishte mbathur sandale dhe që mban epitetin e njeriut me shputën më të madhe.

“Aktualisht ai mban numrin 68 të këmbës, të cilit është duke vazhduar t’i rritet. Është e pabesueshme, por e vërtetë”, ka deklaruar koordinatori gjerman Georg Vesels.

Francezi Brahim Takiula, i gjatë 246 centimetra dhe njëherit njeriu i dytë në botë më i gjatë, ka deklaruar se është ndjerë ndryshe që është takuar me njerëzit e tjerë të gjatë. /Telegrafi/