Mospajtimet dhe përplasjet e shpeshta ndërmjet partive politike, po e bllokojnë miratimin eventual të një platforme të Kosovës për fazën finale të bisedimeve me Serbinë.
Mospajtimet fillojnë që nga kundërshtimi i opozitës për rolin prijës të presidentit Hashim Thaçi në procesin e dialogut, e deri te mënyra e përfaqësimit të palës kosovare në tavolinën e bisedimeve.
Udhëheqësit e institucioneve dhe partitë në pushtet preferojnë që në fazën finale ta kenë me vete edhe opozitën në kuadër të një ekipi uniteti. Kurse opozita, deri më tani, kryesisht ka kërkuar që institucionet, të cilat kanë marrë përsipër udhëheqjen e vendit, të udhëheqin edhe këtë fazë të dialogut, por duke i sjellë të gjitha vendimet dhe marrëveshjet për debat dhe miratim në Kuvendin e Kosovës.
Lidhja Demokratike e Kosovës, si partia më e madhe opozitare, ka kritikuar platformën e Qeverisë për bisedimet në Bruksel.
Shefi i Grupit Parlamentar të LDK-së, Avdullah Hoti, ka thënë se kjo parti është gati të përfshihet në dialogun me Serbinë, por vetëm nëse do të ishte në krye të Qeverisë së Kosovës.
Në anën tjetër, për kreun e Partisë Demokratike të Kosovës, Kadri Veseli, konsensusi politik është shumë i nevojshëm për të ardhmen politike dhe ekonomike të vendit.
Ky konsensus, sipas kreut të Kuvendit, është i nevojshëm sa u përket çështjeve të hapura me Serbinë.
“Në të njëjtën kohë duhet konsensusi për çështjet e hapura, të cilat i kemi veçanërisht me Serbinë. Ne nuk mund të nënvlerësojmë faktin se kemi disa probleme, të cilat po e pengojnë rritjen e Kosovës edhe po na dëmtojnë në zhvillim ekonomik. Ne duhet ta përfundojmë përfundimisht çështjen e dialogut me Serbinë edhe s’ka alternativë tjetër, njohja e Kosovës si shtet i pavarur dhe sovran nga Serbia”, ka thënë Veseli.
Derisa në Prishtinë, por edhe në Beograd, ka debate të brendshme rreth fazës së ardhshme të dialogut, Brukseli ka konfirmuar se ende nuk e ka caktuar datën e vazhdimit të dialogut.
Ndërkohë që pritet ftesa nga Bashkimi Evropian, si lehtësues i këtyre bisedimeve, kryeministri i Kosovës, Ramush Haradinaj , ka thënë ditë më parë në Kuvend se çështja e energjisë do të duhej të ishte tema e parë në agjendën e bisedimeve.
“Nuk ka logjikë të trajtohen temat tjera e jo tema e energjisë”, ka deklaruar kryeministri Haradinaj.
Platforma e bisedimeve me Serbinë, ka qenë vazhdimisht edhe tema kryesore në tryezat e organizuara nga partitë politike në vend.
Edhe në këto diskutime, është përmendur që Kosova ka nevojë që në fazën finale të dialogut me Serbinë, të përfshihet edhe opozita, duke krijuar kështu një platforme dhe ekip uniteti.
Por, deri më tani nuk është arritur një pajtim ndërmjet partive politike.
“Kryetari i PDK-së publikisht ka deklaruar se është i gatshëm që udhëheqjen e procesit të dialogut t’ia dorëzojë LDK-së. Në fakt, ky është pranim i dështimit të këtij koalicioni gjoja për vendime të mëdha. Ndryshe nuk mund të kuptohet kur pozita në fakt ia dorëzon agjendën shtetërore opozitës. Ne jemi të gatshëm t’i marrim përsipër këto procese, por vetëm pasi ta marrim mandatin nga qytetarët vendit përmes votës së lirë”, ka thënë Hoti.
Promo
Reklamo këtuLufta Prigozhin - Putin
Më shumëFSK bën pranimin e Poligonit të Qitjes nga Komanda e Forcave Amerikane për Evropë (EUCOM)
Murati: Ripërcaktimi i kufijve, zgjidhja e vetme për një Kosovë funksionale
Banesat kolektive në veri të ndërtuara nga Serbia, do të legalizohen
Zhduket një vajzë në Prishtinë
Serbët në veri të Mitrovicës thërrasin “Vuçiqi në burg”
Bislimi: Gjatë periudhës 2021-2023, Kosova ka përfituar 8.7 milionë euro nga pjesëmarrja në programet e Bashkimit Evropian
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Befasia e këtij fillim viti: Nga Spanja raportojnë se Messi po rikthehet te Barcelona
Surpriza tejet e veçantë për Vullnetin: Niset për në Negroc për t'i takuar familjarët e tij
Musk po shkakton telashe në Evropë - çfarë përfiton ai nga kjo?
Olta Gixhari shkëlqen në finalen e Big Brother VIP Kosova me një pamje mahnitëse
100 milionë euro? As kjo nuk e bindi yllin e Real Madridit të braktiste Bernabeun për Chelsean e Abramovichit
Xuxi surprizohet nga familja e tij në finalen e Big Brother VIP Kosova