Ministrja e Integrimit Evropian, Dhurata Hoxha, ka takuar sot drejtorin e ri të GIZ-it gjerman, David Oberhuber, me të cilin ka diskutuar për bashkëpunimin e deritashëm, përkrahjen e fuqishme të cilin e jep Gjermania, në veçanti GIZ-i për procesin integrues.
Ministrja Hoxha e falënderoi drejtorin Oberhuber, duke theksuar se përkrahja gjermane është thelbësore në proceset nëpër të cilët po kalon Kosova, në veçanti procesi integrues.
“GIZ-i ka ofruar mbështetje të fuqishme për procesin integrues, konsideroj se kjo ndihmë është thelbësore në këtë proces. Theksova të arriturat dhe sfidat e këtij procesi, duke u zotuar se zbatimi i rekomandimeve nga Brukseli janë prioritet, ashtu si procesi i liberalizimit të vizave për qytetarët tanë dhe zbatimi i MSA-së”, theksoi ministrja Hoxha.
Oberhuber vuri në pah përkushtimin e GIZ-it për këtë proces, duke theksuar të arriturat por edhe sfidat e këtij procesi.
“Kosova do ta ketë edhe më tej mbështetjen e fuqishme në procesin integrues nga GIZ-i”, ka thënë mes tjerash Oberhuber, duke vënë në dukje se ka ende shumë punë për t’u bërë, por rruga e Kosovës tashmë është e konfirmuar, brenda vlerave dhe integrimeve euro-atlantike.
Ai ka rikonfirmuar se përkrahja e GIZ-it, do të vijoj në pajtim me prioritetet e Qeverisë, procesin integrues.
Bashkëbiseduesit u pajtuan se Agjenda Evropiane e Reformave dhe reformat ekonomike janë bazë e mirë e çuarjes përpara të agjendës integruese, agjendë të cilën GIZ-i do ta mbështes. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shala për draft statutin e Asociacionit: Autonomi politike territoriale për serbët
Mitsotakis: Nëse Qeveria e re në Shkup konteston Marrëveshjen e Prespës, rruga europiane do të jetë e mbyllur
“Më ndihmoni po humbas gjak”, shqiptarja theret me thikë në Britani, tmerrohen fëmijët dhe prindërit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251