Gjukanoviq zyrtarisht merr detyrën si president i Malit të Zi

Presidenti i ri i sapozgjedhur i Malit të Zi, Milo Gjukanoviq sot ka dhënë betimin para deputetëve të Kuvendit me këtë rast mori detyrën në këtë post.

Gjukanoviq dha betimin në Cetinë, në ditën kur paraardhësit të tij Filip Vujanoviq i skadon mandati.

“Betohem me nderin tim në Kushtetutën e Malit të Zi se detyrën e Presidentit të Malit të Zi do ta kryej me ndërgjegje dhe përgjegjësi për të mirën e të gjithë qytetarëve të vendit tonë. Si President i shtetit, unë do ti përkushtohem ruajtjes së pavarësinë dhe sovranitetit të Malit të Zi dhe afirmimin e tij si një shtet civil, demokratik, ekologjik dhe shtet i të drejtave sociale bazuar në sundimin e ligjit”, tha Gjukanoviq, përcjell Telegrafi.

Përveç deputetëve, në seancën ceremoniale në Shtëpinë e Qeverisë në Cetinë morën pjesë ish-Presidentët e Malit të Zi, Parlamentit dhe Qeverisë, zyrtarët më të lartë shtetërorë dhe krerët e institucioneve shtetërore.

Në seancë morën pjesë anëtarë të qeverisë, personalitete fetare, rektorë universitarë, anëtarë të trupit diplomatik, ambasadorë jo-rezidentë, përfaqësues ushtarakë të mbrojtjes dhe përfaqësues të organizatave ndërkombëtare.

Lexo po ashtu Milo Gjukanoviq bëhet president i Malit të Zi

Në zgjedhjet presidenciale të mbajtura më 15 prill, Gjukanoviq fitoi 53.9 për qind të votave. Ai do ta ushtrojë këtë funksion për pesë vite. /Telegrafi/