Arilda Gjikolli, maturantja nga Peja që qëndisi veshjen e saj me motive arbëreshe

Është muaji maj dhe shumë prej maturantëve kanë përfunduar me sukses një nga periudhat e tyre më të rëndësishme në jetë.

Mbrëmja e maturës është shumë e rëndësishme për ta, dhe mundohen që në këtë datë ata të duken sa më bukur dhe me klas.

Gjithmonë vëmendje të veçantë kanë rrëmbyer idetë kreative, e një ndër to ka qenë edhe veshja e maturantes Arilda Gjikolli nga Peja.

Ajo e ka punuar vet fustanin e saj të mbrëmjes, duke e ndërthurur me elemente arbëreshe.

Për Telegrafin, 18-vjeçarja ka treguar se një ide të tillë e ka pasur prej kohësh, ngase edhe studion në fushën e artit.

“Në periudhën që përfundova shkollën e mesme në fushën e arteve, si çdo maturant që në mbrëmjen e maturës dëshiron të shkëlqejë në mënyrë unike, unë zgjodha që të realizoj një veshje të modifikuar arbëreshe, prapë duke u kthyer tek të parët tan! Me një grim natyral, dukje të thjeshtë”.

Për të promovuar veshjen, ajo ka zgjedhur që fotofesisionin e saj ta realizojë në një ambient të veçantë.

“Setin fotografik e kam realizuar në Muzeun Etnologjik në Pejë, ndërsa realizimin e dizajnit të veshjes dhe qepjen i kam realizuar te Filizia Osakaq”, ka treguar maturantja Gjikolli. /Telegrafi/