Bellew e mposht Hayen me nokaut në raundin e pestë

Tony Bellew ka dalë sërish triumfues përballë David Haye duke e mposhtur me nokaut pas pesë raundesh në O2 Arena të Londrës.

Telegrafi jua sjell më poshtë rrjedhën e meçit sipas raundeve:

Raundi 1: Haye dhuroi disa goditje, ndërsa Bellew e humbi baraspeshën dhe menjëherë i mbeti një shenjë nën sy. Sidoqoftë, arriti ta përfundonte mirë raundin e parë.

Raundi 2: Bellew filloi të kundërsulmojë, mirëpo Haye u tregua i kujdesshëm dhe priste momentin për ta ndëshkuar, por kundërshtari lëvizte me shpejtësi.

Raundi 3: Ishte momenti i Bellew, i cili e rrëzoi dy herë Hayen.

Raundi 4: 37-vjeçari Haye përpiqej të rikthehej, mirëpo Bellew u shmangej goditjeve të tij dhe jepte goditje direkte. David e humbi baraspeshën që dukej të ishte sërish pasojë e këmbës së lënduar.

Raundi 5: Haye nuk u bëri ballë goditjeve të Bellew. Tony e rrëzoi për të tretën herë dhe gjithçka mori fund.

Tony Bellew drops David Haye!

Fight over. Career over. pic.twitter.com/2AJo7uAwjs

— NextBritishFight (@NextUKFight) May 5, 2018

Pas lëndimeve të shumta, David Haye ishte kthyer në kërkim të majave të boksit botëror, mirëpo duket se ky do të jetë fundi për karrierën e tij.

Me shumë mundësi, 37-vjeçari do të pensionohet pas këtij meçi. /Telegrafi/