Kurti takon kryeministrin e Bosnjës e Hercegovinës

Lideri i Lëvizjes Vetëvendosje, Albin Kurti, i cili po merr pjesë në “Sarajevo Business Forum” në Sarajevë të Bosnjës e Hercegovinës, është takuar sot me kryeministrin e këtij vendi Denis Zvizdic.

Lajmin e ka bëtë të ditur vetë Kurti përmes një postimi në Facebook, duke thënë se, gjatë takimit me kryeministrin boshnjak ka biseduar për marrëdhëniet bilaterale midis dy vendeve, situatën politike në shtetet respektive dhe atë në rajon.

Postimi i Kurtit në Facebook:

“Takim me Kryeministrin e B&H, z.Denis Zvizdic

Sot, në Sarajevë, takova kryetarin e Këshillit të Ministrave, përkatësisht kryeministrin e Bosnje dhe Hercegovinës (B&H), z.Denis Zvidic, në zyrën e tij. Biseduam për marrëdhëniet bilaterale midis dy vendeve tona, situatën politike në shtetet respektive dhe atë në rajon.

Paraprakisht mora pjesë në Sarajevo Business Forum, me ftesën e kryeministrit Zvizdiq. Në margjina të këtij forumi takova shumë politikanë, diplomatë e investitorë të ndryshëm, në mesin e të cilëve ish presidentin kroat Stjepan Mesic, ministrin slloven të zhvillimit dhe teknologjisë, z.Zdravko Pocivalsek, kryetarin e Odës Ekonomike të Federatës së B&H, z.Mirsad Jasarspahic, ish-ministër i mbrojtjes, z.Selmo Cikotic, zëvendës kryetarin e Kuvendit të B&H, z.Safet Softic, pastaj z.Bogic Bogicevic etj.” (sic.), ka shkruar Kurti. /Telegrafi/