Aktakuzë për rastin “Pronto”, këta janë zyrtarët e lartë të cilët po akuzohen

Prokuroria e Kosovës ka ngritur aktakuzë ndaj 11 personave të përfshirë në aferën “Pronto”. Në mesin e të akuzuarve janë zyrtarë të lartë të Partisë Demokratike të Kosovës.

Në njoftimin e prokurorisë është bërë e ditur se të akuzuar janë Adem Grabovci, Besim Beqaj e Zenun Pajaziti.

“Prokuroria Speciale e Republikës së Kosovës, sot ka ngritur aktakuzë në rastin e quajtur “Pronto”. Në këtë çështje penale janë të akuzuar njëmbëdhjetë persona me funksione të larta zyrtare: ish deputeti A.G., ministri aktual B.B., deputeti aktual Z.P., dy ish Sekretar të përgjithshëm I.G. dhe Xh.D., ish zëvendësministër F.Sh., këshilltari politik në MPB S.G., ish drejtori i Bordit të ndërmarrjes publike “Radoniqi-Dukagjini” në Gjakovë I.N., ish drejtori i Bordit të ndërmarrjes publike Hidro-Drini” në Pejë R.A., ish kryesuesi i Kuvendit të Komunës së Prizrenit N.K. dhe ish shefja e Njësisë për furnizim në Ministrinë e Shëndetësisë A.P.”, thuhet në njoftimin e Prokurorisë.

Lexo po ashtu Prokuroria ngrit aktakuzë në rastin “Pronto"

Për ndryshe, ky rast ishte publikuar nga mediat publike, duke zbuluar veprimet dhe metodat e punësimit brenda grupeve të ngushta interesi, në bazë të së cilës është nisur hetimi i prokurorisë, i cili rezultoi me ngritjen e aktakuzës. /Telegrafi/