Një garë spektakolare vjen këtë diele në “Super Sfida”

Alban Mehmeti, Ryva Kajtazi dhe Astrit Mulaj do të ndeshen me Vlorian Halili, Bujaka dhe Arbnora Demaj

Kjo garë do të jetë shumë interesante siç shihet në videon promo, do të ketë pamje spektakolare, show, dhe humor, një super garë të gjithë mysafiret janë me një vullnet të madh për të arritur në finale, Alban Mehmeti dhe Ryva Kajtazi sezonin e kaluar kanë arritur deri në finale por nuk arritën të fitojnë kupën për vetëm 10 pikë, ata janë rikthyer përsëri në sezonin e ri me një mision të madh, kësaj radhe për ta ngritur kupën,.Të njëjtën rrugë e kanë ndjekur ekipi fitues i sezonit të kaluar Leonora Jakupi, Gold Ag dhe Meda të cilët në dy sezona ishin pjesëmarrës dhe nuk arritën të fitojnë kupën, por në sezonin e tretë ia dolën fituan titullin e kampionit.

Albani dhe Ryva promovojnë bashkëpunimin e tyre të parë në një këngë, Albani është këngëtari tani shumë i kërkuar nëpër mbrëmje dhe dasma.

Ryva pas një pauze të lindjes i kthehet prapë muzikës, publiku e ka pritur me padurim Ryvën me këngë të reja dhe gjithashtu menjëherë ka filluar nëpër mbrëmje në diasporë dhe në vendin tonë.

Moderatori i trip listës dhe gazetari i Privesë, Vlorijan Halili, në tri sezona ka marrë pjesë por njëherë ka arritur deri në çerekfinale, Vloriani njihet si një showmen i dalluar në “Super Sfida”, ai garon me shpirt, nuk bënë hile dhe krijon shumë atmosferë në çdo lojë si në raste kur humb ashtu edhe kur fiton prodhon shumë show.

Bujaka një reper i ri në tregun tonë do ta promovoj këngën e re, pritet shumë shpejt të bëhet i njohur në publikun tonë pasi që më herët ka punuar shumë këngë për reperët më të suksesshëm dhe këngët që ka bërë janë bërë super hite, ka një zë interesant dhe në pamje tërheqëse.

Gjithashtu edhe këngëtari Astrit Mulaj do ta promovojë këngën e tij më të re, një këngë me tekst edukativ, një melodi të mirë, Astriti gjithashtu ka depërtuar shumë shpejt në tregun e muzikës dhe është shumë i kërkuar në mbrëmje dhe dasma.

Ky shou familjar argëtues ju vjen çdo të diele në mbrëmje për të gjithë shikuesit në RTK. /Telegrafi/