Vuçiq: Si t’ia shpjegojmë qytetarëve se Ukraina nuk pranon të luajë kundër Kosovës në Kiev dhe se Serbia do të luajë në Kragujevac

Serbia nuk ka pranuar të ballafaqohet me përfaqësuesen e Kosovës në kuadër të kualifikimeve për botërorin e hendbollit.

Madje, shteti serb ka anuluar turneun kualifikues që ishte paraparë të mbahet në afërsi të Beogradit.

Lexo po ashtu Serbia përjashtohet nga kualifikimet në hendboll

Rreth kësaj teme ka folur edhe presidenti serb Aleksandar Vuçiq ku komentoi vendimin e Ministrisë së Brendshme të Serbisë rreth mos lejimit të zhvillimit të ndeshjeve për grupmoshat e reja.

Vucic e quajti një vendim të tillë të saktë, me një koment se mrekullia nuk ishte bërë më parë.

Ai tha se një ndeshje e tillë sportive nuk do të luhet në Serbi sepse “si t’u shpjegojmë qytetarëve se Ukraina nuk pranojë të luajë kundër Kosovës në Kiev dhe se Serbia pranon të luajë në Kragujevc”, tha fillimisht Vucic.

Ai më tutje ka pohuar se me të drejtë është anuluar ndeshja, megjithëse, fëmijët nuk janë fajtorë rreth kësaj ngjarje.

“Ndeshja u anulua me të drejtë. Fëmijët nuk janë fajtorë! Nuk do të jetë e mundur të luhet në territorin e Serbisë, sepse ne nuk e njohim Kosovën. Mund të luani diku në botë, por jo me ne. Tifozët vepruan me mençuri. Ata erdhën në natën para lojës dhe kënduan këngë patriotike, vepruan mençur”.

“Cila ishte ajo që duhej të dilnim prej tyre? Ata nuk bënë probleme, ata e bënë atë me shumë mençuri”, përfundoi Vuçiç pas dialogut të Brukselit me Presidentin e Kosovës, Hashim Thaçin dhe shefin e politikës së jashtme të BE, Federica Mogherinin.

Lexo po ashtu Trajneri serb i hendbollit: Kosovën e kemi humbur, na lejoni të merremi me sport

Ndryshe, mbetet të shihet se ku do të zhvillohen takimet e Kosovës me Norvegjinë dhe Sllovakinë. /Telegrafi/