“Miss Bum Bum” e padit për ngacmime seksuale Cristiano Ronaldon

Një ish-fituese e konkursit të bukurisë, “Miss Bum Bum”, e ka paditur Cristiano Ronaldon lidhur me pretendimet se e kishte ngacmuar seksualisht edhe pasi u nda me yllin e futbollit.

Mbretëresha e bukurisë braziliane, Erika Canela, 26 vjeçe, thotë morri mesazhe “ofenduese dhe fyese”, kur përfundoi marrëdhënien dymujore me kapitenin e Portugalisë.

Ajo thotë se ka marrë mesazhe me epitete si lavire dhe se do t’ia shkatërronte jetën, por deri më tani nuk ishte e sigurt nëse ia ka dërguar portugezi.

Avokatët e bukuroshes kanë nisur procedurat ligjore kundër sulmuesit dhe po kërkojnë dëmshpërblime pasi që veprimet ishin ‘poshtëruese’ dhe ‘kanë ndikuar thellësisht në gjendjen emocionale të bukuroshes’.

Miss Canela, e cila ka një të pasme prej 106 centimetrave, thotë se i dha fund marrëdhënies me Ronaldon kur mori vesh se 32-vjeçari kishte të dashur.

Ajo më parë kishte thënë se ishte e habitur kur ylli i futbollit e kishte kontaktuar atë duke menduar se ai po kontaktonte një prostitutë dhe jo një femër të zakonshme.

Theksojmë se që kur u bë Miss Bum Bum, ajo u shfaq në kopertinën e Playboy për edicionin e Portugalisë dhe u shfaq lakuriq për edicionin e Venezuelës. /Telegrafi/