Marko Caka me rol protagonist në episodin e ri të serialit “Spies next door”

Marko Caka është një ndër aktorët më të suksesshëm të momentit në botën e industrisë së filmit hollivudian.

Aktori tashmë ka nisur xhirimet në serialin e njohur “Spies next door”, ku do të luajë një ndër rolet kryesore.

Kështu ka bërë të ditur 47-vjeçari për Telegrafin, i cili ka treguar se regjisor është Erik Kirsten.

“Unë do të luaja rolin e Borisit, një ish-agjent i KGB-së, i cili rekrutohet nga shërbimet sekrete të CIA-s. Ngjarjet e episodit janë të përqendruar në vitin 1982 në Virgjinia ku Boris, pasi ka braktisur familjen për t’i shërbyer shërbimit sekret të bllokut komunist, ai vendoset të kthehet në familje, por që ndiqet këmba-këmbës dhe helmohet nga spiunazhi sovjetik i KGB”, tha Caka.

Ai më tutje pohoi se është roli i parë protagonist që do të shfaqet në televizionet amerikane dhe kjo do t’i hap mundësi të re në Hollywood.

Episodi do të shfaqet në televizionin kombëtar amerikan A&E gjatë verës së këtij viti.

Lexo po ashtu Të gjitha lajmet rreth Marko Cakës

Ky film i viteve 80-ta të shekullit të kaluar ka një ngjashmëri me historinë e vrasjeve të fundit të ish agjenteve të KGB nga spiunët rus në kryeqytetin londinez. /Telegrafi/