Kanë kaluar pothuajse dy vite nga fillimi i punimeve për revitalizimin e urës mbi lumin Ibër në Mitrovicë, në bazë të Marrëveshjes për lirinë e lëvizjes të arritur më 25 gusht 2015, mes Prishtinës dhe Beogradit në Bruksel.
Mirëpo, përurimi i revitalizimit të kësaj ure që do të duhej të bëhej në vitin 2017 ende nuk ka ndodhur.
Për shkak të zhvillimeve në veri, në prill të vitit 2017, kryetari i komunës së Mitrovicës së Veriut, Goran Rakiq, kishte sjellë vendimin për ndërprerjen e punimeve afër urës së lumit Ibër, pasi kishte kërkuar nga organet vendore dhe ndërkombëtare të sigurisë që të krijojnë ambient të sigurt për qytetarët.
Zyra e Bashkimit Evropian (BE) në Kosovë ka thënë për Telegrafin se presin që marrëveshjet e arritura brenda dialogut, duke përfshirë edhe revitalizimin e urës të zbatohen plotësisht.
“Ashtu si me të gjitha marrëveshjet e tjera të arritura brenda dialogut të lehtësuar nga Bashkimi Evropian, BE pret gjithashtu që marrëveshja për urën e Mitrovicës të zbatohet plotësisht pa vonesa të mëtejshme. Diskutimet e ardhshme në nivelin e negociatorëve kryesorë duhet të kontribuojnë në avancimin e mëtejshëm të zbatimit të plotë të kësaj marrëveshjeje”, thuhet në njoftimin e zyrës së BE-së.
Telegrafi është munduar vazhdimisht të marr një prononcim nga kryetari i veriut të Mitrovicës, Goran Rakiq se si janë duke shkuar punimet në veri, mirëpo ai nuk i është përgjigjur telefonatave.
Ndërkaq, drejtoresha e Administratës në Komunën veriore të Mitrovicës, Adriana Hoxhiq, në një prononcim për Telegrafin tha se nuk është e përfshirë në këtë projekt pasi është çështje politike, por ajo tha se punimet vazhdojnë.
“Mirë është që punimet vazhdojnë”, ka thënë Hoxhiq për Telegrafin.
Ndryshe, projekti i financuar Bashkimi Evropian për revitalizimin e urës kryesore në Mitrovicë ka nisur në vitin 2016, me vlerë prej 1 milion e 45 mijë euro./Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
Flet 17-vjeçarja që u publikua në “AlbKings”: Ma kanë montu foton
AGK reagon ndaj shpërndarjes së numrit të gazetares nga grupi “Albkings”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'