Ministri i Arsimit, Shkencës dhe Teknologjisë, Shyqiri Bytyqi mori pjesë në Konferencën për Zbatimin e Planit Strategjik 2017, ku tha se është shumë me rëndësi që të fuqizohet si prioritet çështja e arsimit në Kosovë.
Me këtë rast, u prezantua raporti i vlerësimit për të gjeturat rreth zbatimit të Planit Strategjik për Arsim në Kosovë 2017, i përgatitur nga Qendra për Arsim e Kosovës (KEC), në partneritet me tri organizata të tjera joqeveritare, anëtare të Rrjetit të Kosovës për Arsim dhe Punësim – KEEN, të përkrahur nga Bashkimi Evropian.
Bytyqi ka vlerësuar raportin si një analizë të vlefshme për të reflektuar rreth masave dhe veprimeve që mund të ndërmerren në të ardhmen, që njëherësh obligon Ministrinë e Arsimit që të angazhohet në përmbushjen e Planit Strategjik në të ardhmen.
Duke folur për të gjeturat e prezantuara në këtë raport, ministri u shpreh se, është shumë me rëndësi që të fuqizohet si prioritet çështja e arsimit në Kosovë, me qëllim të arritjes së synimeve që kemi për një arsim cilësor dhe për një edukim të mirëfilltë të të rinjve.
“Ne si Ministri do të kemi mundësi që kërkesat që dalin nga PSAK-u t’i shtyjmë përpara dhe t’i realizojmë. Ajo çka përbën një mangësi të theksuar dhe e vështirëson në shumicën e rasteve zbatimin e të gjeturave është mungesa e një Strategjie të Zhvillimit Ekonomik”, është shprehur Bytyqi.
Sa i përket të gjeturave, të cilat flasin për mos menaxhim të duhur ndërmjet nivelit qendror dhe atij lokal në arsim, ministri Bytyqi ka thënë se, MAShT do të angazhohet maksimalisht që të reflektojnë pozitivisht në këtë aspekt.
“Do të kemi një angazhim të veçantë që të kemi koordinim të bashkëpunimit në mes të shkollave, DKA-ve dhe MAShT-it. Konsideroj që me koordinimin dhe me dhënien e mundësive të dyanshme do të kemi një mundësi shumë më të lehtë të menaxhimit dhe eliminimit të problemeve që dalin nga çështja e mësimdhënies”, tha ministri Bytyqi.
Ndër të tjera, ministri Bytyqi ka folur për rritjen e numrit të fëmijëve në nivelin parashkollor, gjithëpërfshirjen, fuqizimin e komunitetit të prindërve në procesin e zgjedhjes së drejtorëve të shkollave, vlerësimin e mësimdhënësve dhe gradimin e tyre, zhvillimin e vazhdueshëm të arsimit profesional, harmonizimin e programeve me tregun e punës, arsimin e lartë.
Ndërsa, shefja e zyrës së Bashkimit Evropian (BE) në Kosovë, Natalyia Apostolova theksoi se raporti është i dobishëm. “Të fillojmë me faktin se zbatimi i Planit Strategjik për Arsimin është baza, korniza përmes së cilës duhet t’i zhvillojmë reformat në sektorin arsimor. Arsimi nuk është reformë e shpejtë, reformat në arsim jepen kur të kalojë një gjeneratë”, tha ajo. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ademi: Vota për VLEN është votë për OBRM-PDUKM-në
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
A kanë darkuar së bashku Shkëlzen Berisha dhe Erion Veliaj, reagon kryebashkiaku i Tiranës
Ambasadorët e QUINT-it i shkojnë në zyre Kurtit – nuk dihet arsyeja
DW: Sinjale alarmi nga Ballkani - po përsëritet historia?
Kërkohet ligj për Gjergj Kastriotin - Skënderbeun, propozohet 28 tetori si festë kombëtare
Kosova ia ndaloi hyrjen, Petkoviq arsyetohet se vizita kishte karakter fetar
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
"Ratko Mlladiq hero i popullit" - grafitet që po provokojnë qytetarët shqiptarë në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'