Ndonëse janë diskutuar shumë data të mundshme të funksionalizimit të Gjykatës Speciale në Kosovë, ende nuk dihet se kur do të ndodh kjo.
Specialja ende mbetën në stazhin e hetimeve. Kështu të paktën ka deklaruar zëdhënës i Prokurorisë së Tribunalit Special, Chriss Bennet.
Bennet në një përgjigje për Indeksonline është deklaruar se hetimet ende janë duke vazhduar, duke mos dhënë detaje për ngritjen e aktakuzave.
“Prokuroria e Dhomave të Specializuara nuk komenton statusin e hetimeve për arsye profesionale, ligjore dhe etike, dhe kjo nuk mund të ndryshojë. Prandaj, nuk mund t’ju siguroj informacion në lidhje me kohën e ngritjes së aktakuzave. Hetimi ynë është duke vazhduar” ka thënë Bennet.
I pyetur se zhvillimet e fundit në vend a do të mund të ndikojnë në Specialen, Bennet është shprehur se Gjykata Speciale nuk është një institucion politik.
“Prokuroria e Specializuar nuk është një institucion politik dhe prandaj nuk ndikohet nga zhvillimet politike”, ka thënë shkurt zëdhënësi i Dhomave të Specializuara.
Ndërsa, për numrin e avokatëve që do të jenë në dispozicion të te akuzuarve, nga zyra për shtyp e Gjykatës kanë thënë se një numër aplikimesh janë pranuar deri me tani.
“Procesi i pranimit në listën e avokatit është një proces i hapur, nuk ka ndonjë afat specifik për aplikim. Një numër aplikimesh janë pranuar deri tani nga avokatët e kombësive të ndryshme”, thuhet në përgjigje.
Dhomat e Specializuara dhe Zyra e Prokurorit të Specializuar, ka juridiksion mbi krimet kundër njerëzimit, krimet e luftës dhe krime të tjera të kryera në periudhën 1998-2000, ndërlidhur me pretendimet e ngritura në Raportin e senatorit Dick Marty, i miratuar në 2011 nga Këshilli i Evropës.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251