Dua Lipa flet në tapetin e kuq të Brit Awards: Do të doja të triumfoja në kategorinë “Best British Female” (Video)

Kanë mbetur edhe disa orë para fillimit të ceremonisë së ndarjes së çmimeve Brit Awards.

Shqiptarët si kurrë më parë kanë arsye për të ndjekur për së afërmi ngjarjen kryesore muzikore të Britanisë së Madhe.

Lexo po ashtu Dua Lipa arrin në Brit Awards, shkëlqen në tapetin e kuq (Foto/Video)

E gjithë kjo në saje të dy këngëtareve shqiptare, Rita Orës dhe Dua Lipës, të cilat do t’i shohim sonte rreth orës 23:00, sipas kohës sonë lokale.

Tashmë Lipa ka parakaluar në tapetin e kuq të festivalit muzikor, ku ka shkëlqyer duke marrë vëmendjen e mediave ndërkombëtare.

Ajo ka dhënë një intervistë për Capital FM, ku ka treguar se në cilën kategori do të preferonte të fitonte në rast se duhet të zgjedhte mes pesë nominimeve.

“Jam shumë e entuziazmuar duke qenë këtu. Jam pak nervoze dhe po të mund të zgjedhja prej pesë nominimeve, do të ishte e kategorisë ‘Best British Female Solo Artist”. Do të këndojë edhe këngën New Rules. “, ka pohuar ndër të tjerash këngëtarja në një intervistë për Capital FM.

Theksojmë se këngëtarja shqiptare është nominuar në kategoritë “Brit Award for British Single”, ” MasterCard British Album of the Year”, ” British Video Award”, ” British Breakthrough Act” dhe ” Brit Award for British Female Solo Artist”.

Ndryshe, bukuroshja jonë tashmë ka filluar punën në projekte të reja muzikore, ndërsa hiti “New Rules”, tashmë ka arritur edhe një miliard shikime në YouTube. /Telegrafi/

.@DUALIPA has revealed that she will be performing ‘New Rules’ tonight at the BRITs! We legit can’t wait ? #BritsOnCapital https://t.co/InGu6cKHaS pic.twitter.com/xhKj87ffq3

— Capital (@CapitalOfficial) February 21, 2018