Fergie përgjigjet ndaj kritikave për interpretimin e himnit: E bëra më të mirën

Pasi u përqesh dhe u kritikua për interpretimin e himnit kombëtar amerikan, Fergie ka adresuar performancën e saj aspak të mirë në ndeshjen e All Star të dielën mbrëma.

Ishte Fergie që nxiti një mal reagimesh nga kritikët e shumë anë e mbanë botës që sytë i kishin hapur kah ndeshja e madhe, pasi siç e do tradita, intonohet gjithmonë himni amerikan para ndeshjeve.

https://twitter.com/musicnewsfact/status/965411940217577472

“Unë ndihem e nderuar dhe krenare që performova himnin kombëtar mbrëmjen e kaluar dhe kam dashur t’i shtoj një gjë të veçantë NBA”.

“Unë jam një njeri që rrezikoj, por qartë ky performim nuk i pëlqeu të gjithëve. Unë e dua këtë vend dhe tentova më të mirën”, u shpreh Fergie.

Who saw Fergie's national anthem performance at the NBA All Star Game? I think mine was better lowkey

— Roseanne Barr (@therealroseanne) February 19, 2018

Kjo performancë e këngëtares u përqesh nga lojtarët në parket, teksa nga shumë njerëz u quajt performanca më e keqe në histori e himnit kombëtar amerikan.

Kritikat u bënë aq të ashpra sa që Fergie i ndaloi komentimet në shumicën e postimeve të saj në Instagram, përfshiër një seri të imazheve nga kjo ndeshje.

Pharrell Williams, Chad Hugo dhe Shay Haley performuan një seri këngësh po ashtu në këtë mbrëmje, pasuar edhe nga një performancë befasuese e Migos. /Telegrafi/