Kryeministri i Shqipërisë, Edi Rama tërhoqi vëmendjen mediatike dhe diplomatike në Ballkan dhe Bruksel me një deklaratë të mirëmenduar që kumtoi nga foltorja e Parlamentit të Kosovës gjatë seancës solemne për 10 vjetorin e Pavarësisë.
“Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta, po pse jo një president simbol të unitetit kombëtar dhe një politikë kombëtare të sigurisë. Mbase ky parafytyrim sot mund të mos jetë i qëllueshëm në rrafshin e racionales, por historia na këshillon se çfarë është e drejtë të ëndërrohet, nuk është e pamundur të realizohet”, tha Rama.
A janë këto fjalë të Kryeministrit të Shqipërisë përpara Parlamentit të Kosovës, ditën e festimeve zyrtare të 10-vjetorit të Pavarësisë, prelud i një plani për bashkim mes Shqipërisë dhe Kosovës përpara integrimit të tyre në Bashkimin Europian? Në çdo rast deklarata ka ndezur llampën e alarmit në Bruksel.
“Deklarata që mund të interpretohen si ndërhyrje politike në vendet fqinje, nuk ndihmojnë në ndërtimin e marrëdhënieve të mira mes fqinjëve”, thuhet në deklaratën e zëdhënëses së Punëve të Jashtme dhe Sigurisë në BE, Catherine Ray.
Përballë propozimit të Ramës që ngjason me atë një federate, zëdhënësja e BE tërheq vëmendjen se Brukseli mbështet perspektivën e qartë integruese të Ballkanit Perëndimor, si për të theksuar se i vetmi destinacion i perbashket mes Shqipërisë dhe Kosovës eshte ai Europian, raporton TCH.
Propozimi për një President të përbashkët kombëtar për Shqipërinë dhe Kosovën vjen pasi kryeministri Rama ka marrë 4 zëvendësministra nga Kosova për qeverinë e Shqipërisë. Por zgjedhja e një Presidenti, i cili në të dy vendet zgjidhet prej Parlamenteve respektivë, është aktualisht një proces i pamundur juridikisht.
Propozimi është parë me skepticizëm në Kosovë.
Sekretari i Përgjithshëm i Lidhjes Demokratike të Kosovës, Ismet Beqiri, përmes një postimi në Facebook, komenton jo pa ironi.
“Seancë me një zbulim të madh për “President të përbashkët”fjalë sa për të thënë,por e papranueshme,e rrezikshme,e dëmshme për Kosoven, integrimin tonë euro-atlantik”, shkruan ai.
Analisti nga Kosova, Imer Mushkolaj, tha për BIRN se Kryeministri i Shqipërisë synonte të tërhiqte vëmendjen politike. Sipas tij, “Rama e di se propozimi është i pamundur të realizohet”.
Analisti shton se “Deklarata tingëllon hipokrite nëse mbajmë në konsideratë se dy shtetet kanë probleme elementare bashkëpunimi, duke filluar me tarifat doganore”.
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Kurti publikon statistikat: Serbia po propagandon për dhunën ndaj serbëve në Kosovë
Ymeri: Mos pranimi i Kosovës në KiE është dështim i Qeverisë Kurti
DW: Sinjale alarmi nga Ballkani - po përsëritet historia?
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'