Shtëpia e Bardhë njofton se Presidenti Donald Trump, mbështet përpjekjet për përmirësimin e sistemit të kontrollit për ata që duan të blejnë armë zjarri. Me anë të një deklarate, zëdhënësja Sarah Sanders tha se Presidenti Trump kishte biseduar për këtë çështje me senatorin republikan John Cornyn i cili së bashku me senatorin demokrat Chris Murphy kanë paraqitur një projekt-ligj për të përmirësuar sistemin, shkruan VOA.
Njoftimi vjen ndërsa nxënësit e shkollës së mesme në Florida ku një person i armatosur vrau 17 veta ditën e Shën Valentinit premtojnë se nuk do të heshtin përballë rrezikut të vazhdueshëm nga armët e zjarrit. Një prej tyre, Emma Gonzalez, është bërë fytyra e revoltës së nxënësve kundër ligjeve tolerante për armëmbajtje, pasi dënoi politikanët, përfshirë Presidentin Donald Trump që kanë pranuar kontribute financiare për fushatat e tyre nga Shoqata Kombëtare e Armëve të Zjarrit. Të rinjtë amerikanë në gjithë vendin po diskutojnë për mënyrat se si t’i bëjnë ballë kulturës së armëve në iniciativa në media sociale si #MeNext dhe #NeverAgain.
Governatori i Floridës, Rick Scott mori pjesë në një shërbesë në kishë kushtuar viktimave të vrasjes masive të së mërkurës në Shkollën e Mesme ‘Marjory Stoneman Douglas’. Ndërsa mbaheshin funeralet e viktimave këtë fundjavë, në zonën e Majamit në Florida u hap një panair i madh armësh. Pesë mijë vetë pritej të merrnin pjesë në këtë ngjarje të përvitshme ku vizitorët mund të blejnë lloje të ndryshme armësh, përfshirë AR-15 që u përdor për të vrarë në Parkland. Shitësit në këto panaire nuk janë të detyruar që të kontrollojnë historinë private të blerësve të armëve.
Ndërkohë në Uashington, udhëheqësi i pakicës demokrate në Senat, Chuck Schumer, demokrat nga Nju Jorku tha se projekt-buxheti i Shtëpisë së Bardhë për vitin 2019, do ta bënte më të lehtë për të blerë një armë.
“Presidenti Trump, në buxhetin e tij e ka dobësuar në fakt sistemin e kontrollit si për kriminelët që nuk duhet të kenë armë, edhe për ata që kanë probleme mendore, që gjithashtu nuk duhet të kenë armë”, tha Schumer.
Trump ka fajësuar FBI-në se kishte dështuar në parandalimin e vrasjeve në shkollën e Floridës. Nënpresidenti, Mike Pence tha se administrata do ta bëjë përparësi sigurinë në shkolla.
Por të mbijetuarit e sulmit në Florida dhe nxënës të tjerë në gjithë vendin, janë të indinjuar nga mungesa e veprimit nga ana e udhëheqësve politikë. Emma Gonzalez, një nga nxënëset që ka ngritur më shumë zërin, përmendi ata që marrin kontribute financiare nga Shoqata Kombëtare e Armëve të Zjarrit (NRA).
“Çdo politikani që pranon para nga NRA, i them t’iu vijë turp”, tha Gonzalez.
Ajo tha se Presidenti Trump ka marrë 30 milionë dollarë nga lobi i fuqishëm i armëve dhe se e kishte shfuqizuar rregullin e paraardhësit të tij që do të kishte parandaluar ata me probleme me mendore të blinin armë zjarri.
“Të pjesëtuara me numrin e viktimave të armëve të zjarrit në Shtetet e Bashkuara vetëm deri tani në 2018-në, kjo do të thotë 5 mijë e 800 për person. Kjo është vlera e këtyre njerëzve për ju, Trump?”, tha ajo.
Lëvizje si #MeNext dhe #NeverAgain po krijohen në gjithë vendin me synimin për t’i rezistuar asaj që po konsiderohet gjithnjë e më shumë si ‘normalja e re’ për brezin e sotëm: rreziku për t’u vrarë në shkollë. Aktivistët po përpiqen të krijojnë një normale tjetër, ku të jetë e turpshme të pranosh para nga lobistët e armëve. Në muajt në vazhdim po planifikohen protesta dhe ka edhe një diskutim se sa efektive mund të jetë bojkotimi i shkollës deri kur të plotësohen kërkesat e nxënësve për ligje të arsyeshme për armët e zjarrit. /Telegrafi/
Lufta Prigozhin - Putin
Më shumëNga Rubrika
Babai nga New Jersey detyronte të birin 6-vjeç të vrapojë në “treadmill” sepse besonte se ishte “shumë i plotë – 12 ditë më vonë vogëlushi ndërron jetë nga abuzimi “kronik”
Pse kanë rëndësi zgjedhjet evropiane dhe si funksionojnë ato?
Pamje nga ajri që tregojnë se çfarë ka mbetur nga qyteti ukrainas Chasiv Yar
Pamje nga ajri që tregojnë se çfarë ka mbetur nga qyteti ukrainas Chasiv Yar
Ukrainasit bombardojnë qendrën trajnuese të rusëve, e godasin me sistemin raketor amerikan ATACMS
Propozimi përfundimtar i rezolutës për Srebrenicën dërgohet në OKB
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Deshifrohet një tekst i lashtë - ai tregon se si dukej mbrëmja e fundit e Platonit
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit