Sipas të dhënave të shkruara, Krusheva është qyteti më i vjetër në Maqedoni, i cili për herë të parë përmendet qysh në vitin 1467. Por, nëse dokumentet e vjetra thonë se është një ndër qytetet më të vjetra, të dhënat më të reja thonë se Krusheva gjithashtu është edhe një nga qytetet me popullatën më të moshuar në Maqedoni. Të rinjtë gjithnjë e më shumë po ikin nga vendlindja në kërkim të një të ardhmeje më të mirë. Duke i parë banorët e Krushevës, lehtë mund të vërehet brenga e tyre – papunësia dhe skamja, kurse fryma e Krushevës flet për të gjitha problemet që kjo qytezë i ka përjetuar gjatë shekujve, njofton TV21.
Sipas regjistrimit të fundit të popullsisë në vitin 2002, Krusheva ka numëruar 5 507 banorë, kurse më vonë për shkak të largimit të të rinjve nga vendi, ky qytet është përgjysmuar dhe tani në të jetojnë rreth 3 000 banorë.
“Tani të gjithë vijnë vetëm për një ditë ose për fundjavë dhe kaq. Nuk ka punë. Në Krushevë nuk punon asnjë kompani.”
“Siç po kalon koha, do të jetë edhe më vështirë. Akoma kemi shpresë, por nevojitet që në Krushevë të hapet një ose dy kompani, që njerëzit të kenë ku të punojnë.”
“Të paktën për të rinjtë të ketë diçka. Të gjithë shkuan në Manastir, Shkup. Vetëm për Shkupin po punohet. Cili kryetar komune u kujtua për këtu? Askush. Këtu të rinjtë vijnë vetëm për festat, familjet po ndahen”, u shprehën disa qytetarë.
Por, ka edhe raste kur të rinjtë vendosin të kthehen në Krushevë. Zhan Zdraveski merret me hotelieri. Ai beson se për Krushevën akoma ka shpresë dhe se turizmi do të zhvillohet sikur viteve të kaluara, degë kjo e cila në të kaluarën ishte burimi kryesor për përfitim.
“Unë kisha edhe dy lokale në Manastir, u largova prej atje dhe u ktheva në Krushevë me shpresë se Krusheva do “të mbijetojë” dhe sipas meje, Krusheva duhet të lëvizë përpara. Me këtë bukuri që e ka Krusheva, pak qytete mund të lëvdohen. Të gjithë mysafirët të cilët vijnë nga jashtë, së pari fascinohen nga bukuria e këtij vendi”, tha Zhan Zdraveski, hotelier.
Sipas të dhënave të Entit Shtetëror për Statistikë, vitin e kaluar, Krushevën e kanë vizituar 16.494 turistë. Kryetari i qytetit, Tome Hristoski është i kënaqur nga numri i turistëve dhe nga ajo që qyteti ua ofron vizitorëve. Por, megjithatë pranon se kjo nuk mjafton që qytetarët të kenë jetë më të mirë.
“Aktualisht, qytetarët e Krushevës nuk jetojnë mirë. E kuptoj situatën, por ne luftojmë që gjendja të përmirësohet për të gjithë”, u shpreh Tome Hristoski, Kryetar i Krushevës.
Siç paralajmërojnë nga Ministria e Vetëqeverisjes Lokale, Krushevën e pret program i pasur kulturor gjatë tërë vitit. E gjithë kjo bëhet me qëllim për të tërhequr sa më shumë turistë vendas, por edhe të huaj, me idenë që ky qytet të ringjallet sa më shumë që është e mundur.
Lufta Prigozhin - Putin
Më shumëNga Rubrika
Analistët thonë se Asociacioni është zotim për Kosovën në Këshillin e Evropës – nuk duhet humbur kohë
Meta mban fjalën poshtë ballkonit të Berishës: Ish-kryeministri doli kundër copëtimit të Kosovës dhe shpopullimit të Shqipërisë
Skepticizëm nëse Kurti do t’i sigurojë votat për Kodin Civil
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Çfarë përfiton ekonomia e Kosovës me regjistrimin e popullsisë
Arrestohet një serb në Bërnjak, dyshohet se ka kryer krime lufte në Gjakovë
Italiania e dashuruar me Sarandën: Sa erdha thashë do të jetoj këtu, tani kam biznes
Ura e Fshajtë e dëmtuar, paraqet rrezik për kalimtarët
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë