Dokumenti i plotë i Strategjisë së BE-së për vendet e Ballkanit Perëndimor

Bashkimi Evropian ka publikuar sot Strategjinë e Zgjerimit për vendet e Ballkanit Perëndimor.

Zyrtarët e Bashkimit Evropian e kanë shpalosur këtë strategji për Ballkanin, por asgjë e re nuk është për shtetin e Kosovës. Në këtë strategji, Kosova ka një mundësi për progres të qëndrueshëm përmes zbatimit të Marrëveshjes së Stabilizim-Asociimit dhe për të avancuar në rrugën e saj evropiane, kur rrethanat objektive lejojnë.

Lexo po ashtu Mogherini: Dialogu Kosovë-Serbi, thelbësor për të dyja vendet

Në dokumentin prej 19 faqes të kësaj Strategjie, përpos zbatimit të MSA-së, theksohet se “Kosova duhet të merret më seriozisht me trajtimin e çështjeve të ndjeshme si trajtimi i rasteve të krimeve të luftës, duke përfshirë bashkëpunimin e plotë me mekanizmin për Tribunalet Penale Ndërkombëtare dhe Gjykatën Speciale në Kosovë, pastaj trajtimi i çështjes së personave të zhdukur, refugjatët dhe personat e zhvendosur brenda vendit, si dhe identifikimin dhe heqja e minave tokësore të mbetura në rajon, transmeton Telegrafi.

Këtu mund ta lexoni dokumentin e plotë të Strategjisë për Zgjerim të BE-së për Ballkanin Perëndimor. /Telegrafi/