Qeveria: Informuam për gjithçka rreth takimit Zaev-Tsipras

Në takimin dypalësh në mes dy kryeministrave Zoran Zaev dhe Alexis Tsipras në forumin ekonomik në Davos, për herë të parë pas dy dekadave, janë inicuar procese që çojnë në një zgjidhje dinjitoze të çështjeve të hapura në mes të Republikës së Greqisë dhe Repiblikës së Maedonisë, si dy vende fqinje evropiane, kurse për vullnetin e mirë të shprehur nga të dyja palët, opinionu u njoftua plotësisht, thuhet në përgjigjen e Qeverisë ndaj kumtesës së OBRM-PDUKM-së, me të cilën ata akuzuan se në Maqedoni ka “erësirë të plotë” për atë që Zaev e Tsipras kanë rënë dakord në Davos.

Gjetja e një zgjidhjeje të pranueshme reciprokisht është e mundur, dhe për këtë qëllim është duke u zhvilluar një proces negocimi.

Duhet vullnet të mirë dhe kompromis nga të dyja palët që të merret një vendim, i cili do ta respektojë dinjitetin dhe identitetin e qytetarëve në mes dy vendeve, thuhet në kumtesën e Qeverise, ku theksohet se për çdo hap të rëndësishëm përpara negociatave, publiku do të informohet përsëri./Telegrafi/