Policia ende kërkon katër persona pjesëmarrës në dhunën në Kuvend

Tashmë disa muaj policia është në kërkim të katër personave pjesëmarrës në ngjarjet e 27 prillit në Kuvend. Për të njëjtit është shqiptuar masë paraburgimi, por atyre nuk u është privuar liria pasi vazhdojnë të jenë në arrati. Madje nuk dihet nëse ata gjenden në territorin e Maqedonisë.

Ministri i Punëve të Brendshme, Oliver Spasovski, tha se janë në ndjekje të atyre personave dhe në momentin që do të kenë informacione konkrete opinioni do të jetë i informuar.

Për dhunën në Kuvend, Prokuroria Themelore Publike për 36 persona lëshoi urdhërarrest, të cilët ngarkohen për veprën penale “rrezikim territorial të sistemit kushtetues dhe të sigurisë”.

Në mesin e tyre janë edhe gjashtë deputet të OBRM-PDUKM-së, Johan Tarçullovski, Zhaklina Peshevska, Sasha Vasilevski, Kërsto Mukovski, Luben Arnaudov dhe Ljupço Dimovski, të cilëve pastaj iu mor mandati dhe ju hoq imuniteti.

Disa persona u arrestuan nga policia, por kishte edhe prej tyre të cilët u dorëzuan vetë në gjykatë. Në mesin e të paraburgosurve ishte edhe ish-ministri i Punëve të Brendshme Mitko Çavkov.