Kryeministri i Kosovës, Ramush Haradinaj, ka thënë se institucionet vendore nuk duhet të lejojnë që Kosova të bëhet fushëbetejë e atyre që na i marrin fëmijët dhe i shndërrojnë në vrasës.
Këto komente i pari i vendit i bëri në konferencën njëditore të organizuar nga Ministria e Arsimit, Shkencës dhe Teknologjisë (MAShT), me temën “Edukimi, çelës për t’u përballur me ekstremizmin dhe radikalizmin online”.
Haradinaj tha se institucionet shkollore janë në betejë për luftën kundër ekstremizmit dhe radikalizmit të të rinjve të vendit.
Ai u shpreh i bindur se institucionet vendore do të jenë të bashkuara dhe do të punojnë me të gjitha instrumentet për t’i thënë stop kësaj dukurie në Kosovë.
“Qëllimi i Kosovës është stop stop depërtimit mbërritjes, marrjes së fëmijëve tanë dikur është vonë nëse nuk e bëjmë në kohë për këtë arsye institucioni i shkollës, arsimi në tërësi është vendi ku po zhvillohet tani beteja janë edukatorët janë përgjegjësit por jo vetëm ata jemi të gjithë ne…. Nuk guxojmë me lejua këtë, nuk do e lejojmë këtë kushdo që bënë paqe me këtë është kah pajtohet që fëmija e saj i tij ta ketë atë fat por një vend do të jemi bashkë, do të jemi unik, do të jemi të vendosur që mos e lejua këtë, do t’i gjejmë krejt ato rrugë, krejt ato mundësi, krejt ato instrumente, krejt ato mjete të nevojshme që kjo mos mi ndodh Kosovës “, tha ai.
Kreu i ekzekutivit të vendit tha sa janë duke punuar që me kohë t’i mbrojnë fëmijët nga çfarëdo ekspozimi i keq qoftë nga droga, alkooli apo edhe ekstremizmi.
Ndërsa, ministri i Arsimit, Shkencës dhe Teknologjisë, Shyqiri Bytyqi tha ekstremizmi i dhunshëm dhe radikalizmi vazhdon të mbetet dukuri shqetësuese në Kosovë.
Ai tha se përmes strategjisë për parandalimin e ekstremizmit dhe radikalizmit pjesë e të cilës është edhe MASHT-i kanë arritur të përmirësojnë gjendjen sa i përket ndërgjegjësimit të nxënësve dhe prindërve për rreziqet e këtyre dukurive.
“Një ndër pikat kyçe që Ministria e Arsimit, Shkencës, dhe Teknologjisë ka marr hapa në këtë pjesë të kësaj strategjie është fleksibiliteti i kurrikulave për temën kundër ekstremizmit dhe radikalizmit, trajnimin për parandalimin e dukurive negative duke përfshirë këtu ekstremizmin e dhunshëm, rreziqet që vijnë nga interneti të mbuluara me material didaktik dhe udhëzues relevant për parandalimin e kësaj dukurie përmes edukimit në arsim” u shpreh ai.
Sipas Bytyqit përveç arsimimit, bashkëpunimi me institucionet përgjegjëse për këtë çështje është i rëndësishëm për luftimin e ekstremizmit dhe radikalizmit.
Collen Hyland, zëvendësambasadore e Shteteve të Bashkuara të Amerikës në Kosovë tha se Ambasada Amerikane mbështet fuqimisht përpjekjet e Kosovës për të mbrojtur të rinjtë nga radikalizmi dhe ekstremizmi i dhunshëm .
Sipas saj sektori i arsimit të Kosovës duhet ta zhvendos fokusin e saj drejt mësimit të rinjve për të menduarit kritik, sepse ato mundësojnë në vlerësimin më të mirë të informatave.
Sipas saj të menduarit kritik ndikon edhe në zgjidhjen e problemeve tjera në ekonomi e udhëheqje.
“Një theks i veçantë i ngjarjes së sotme, duke zhvendosur fokusin në sektorin e arsimit të Kosovës drejt mësimit të të menduarit kritik, është një element thelbësor që i pajis mendjet e reja me mjetet për të rezistuar përfundimisht komunikimit radikal. Aftësitë e të menduarit kritik mundësojnë vlerësimin më të mirë të informacionit që ata marrin, formulimin dhe bërjen e pyetjeve të rëndësishme, njohjen e gabimeve dhe arsyetimin, bashkëpunimin me bashkëmoshatarët e tyre dhe vënien në pyetje të gjitha supozimeve. Këto aftësi jo vetëm që do të ndihmojnë rininë të bëhet më pak e ndjeshme ndaj terrorizmit dhe radikalizimit online. Të menduarit kritik do të përgatisë të rinjtë të jenë zgjidhësit e problemeve të Kosovës për të ardhmen në ekonomi dhe udhëheqje”, tha ai.
Sipas saj ambasada amerikane mbështet fuqishëm qeverinë e Kosovës për plan programet arsimore për të luftuar këto dukuri shqetësuese.
Pjesë e kësaj tryeze ishte edhe Jan Braathu, kryesuesi i Misionit të OSBE-së në Kosovë i cili tha se 83 për qind e popullsisë së Kosovës janë përdorues të internetit dhe ky është ekspozim i madh ndaj mesazheve të rrezikshme të radikalizmit dhe ekstremizmit.
Ai ka përgëzuar institucionet e Kosovës për rezultatet që ka treguar zbatimi i Strategjisë dhe Planit të Veprimit 2015-2020 për të parandaluar ekstremizmin dhe radikalizmin e dhunshëm.
Këto të dhëna mbresëlënëse japin një tregues të vetëm të një shkrim-leximi të mrekullueshëm të internetit në Kosovë të popullit të Kosovës, por gjithashtu një ekspozim të madh ndaj mesazheve të rrezikshme, radikalizmit dhe ekstremizmit. Më lejoni të them se përpjekjet e ndërmarra deri më tani nga institucionet e Kosovës për të zbatuar Strategjinë dhe Planin e Veprimit 2015-2020 për të parandaluar ekstremizmin dhe radikalizmin e dhunshëm që çojnë në terrorizëm janë për të vlerësohen shumë. Në fakt, vlerësimi i zbatimit të kësaj strategjie tregon se rreth 63% e aktiviteteve të Strategjisë dhe Planit të Veprimit janë zbatuar me sukses, tha ai.
Në tryezën me temë“Edukimi, çelës për t’u përballur me ekstremizmin dhe radikalizmin online” mori pjesë edhe zëvendës ministri i Ministrisë së Punëve të Brendshme, Selami Shkodra i cili tha se arsimi në Kosovë kërkon reformë të thellë substanciale.
Ndërsa, Ministri i Punës dhe Mirëqenies Sociale, Skënder Reçica, dhe ai i Kulturës, Rinisë dhe Sportit, Kujtim Gashi kanë shprehur gatishmërinë e institucioneve që ata udhëheqin për të luftuar ekstremizmin dhe radikalizmin.
Konferenca me temë “Edukimi, çelës për t’u përballur me ekstremizmin dhe radikalizmin online” realizohet me rastin e fillimit të Javës për internet të sigurt me moton “Krijo, lidhu dhe trego respekt: një internet më i mirë fillon me ty”, që do të shënohet nga data 2-9 shkurt 2018, në kuadër të Ditës Botërore për internet të sigurt. /KP/
Promo
Reklamo këtuLufta Prigozhin - Putin
Më shumëNga Rubrika
“Pse bredh?! Je grua pa burrë”, divorci i 40 vjeçares shkak i ngjarjes tragjike në Lushnje
Lajçak thotë se është i gatshëm për takim të ri për dinarin në Bruksel – por a do të ndodhë një i tillë?
Turizëm në katër stinë – si ka ndryshuar trendi në Shqipëri vitet e fundit
Besnik Berisha: Enver Sekiraqa nuk është arratisur
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Fajde nga zyrtari policor - rrëfimi i viktimës se si e humbi pronën
As të dielën nuk gjendet Enver Sekiraqa, pse u la ai në arrest shtëpiak?
Lajçak thotë se është i gatshëm për takim të ri për dinarin në Bruksel - por a do të ndodhë një i tillë?
Thaçit i shkojnë për vizitë në Hagë prindërit e tij
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare