Shërbimi Federal Informativ lejohet të përgjojë komunikimin elektronik të gazetarëve të huaj. Tani persona potencialisht të prekur paraqitën ankesë për shkelje të të drejtave kushtetuese.
Që prej janarit 2017, Shërbimi i fshehtë Gjerman (BND) për botën e jashtme mund të bëjë pa e vrarë ndërgjegjja atë që ka bërë vite me radhë ilegalisht: të përgjojë gazetarët. Lejen për këtë e dha Bundestagu, pas zbulimeve të Edward Snowdenit. Në kuadër të aferës së përgjimeve të NSA, të cilën e bëri publike Snowdeni u bë e ditur edhe se Shërbimi Informativ Federal gjerman bashkëpunonte ngushtë me NSA. Me skandalin transatlantik të përgjimit u mor për tri vjet me radhë edhe një Komision Hetimor Parlamentar, i cili paraqiti në verë 2017 raportin e tij përfundimtar. Në të, deputetët paraqisnin shkelje të shumta dhe sistematike të nenit 10 të Ligjit Themelor për sekretin e Postës dhe Telekomunikimit.
Të Gjelbrit opozitarë dhe të Majtët vazhdojnë ta refuzojnë në parim përgjimin pa pasur dyshim konkret. Konservatorët (CDU/CSU) dhe Socialdemokratët (SPD) nga ana tjetër e reformuan ligjin e BND-së sipas kuptimit të ligjit të shërbimit të fshehtë për botën e jashtme. BND tani lejohet që të spiunojë shtetet anëtare të BE dhe institucionet e tyre. Për shembull, kur bëhet fjalë për rreziqe për sigurinë e brendshme dhe të jashtme ose në përgjithësi kur bëhet fjalë për aftësinë e Gjermanisë për të vepruar.
Gazetarët e huaj duhet të presin në çdo kohë që të vihen në shënjestër të BND-së dhe të shërbimeve partnere ndërkombëtare. Sepse ata lejohet që në raste të caktuara t’i këmbejnë të dhënat e tyre, para së gjithash në luftën e përbashkët anti-terror dhe në mbrojtje të Bundeswehrit në misionet në botën e jashtme. Gjermanët teorikisht nuk lejohet të përgjohen, por praktikisht janë gjithashtu të rrezikuar, mendon rrjeti i përbotshëm i gazetarëve “Reporterë pa kufi” (RPK).
Së bashku me pesë organizata të tjera të shoqërisë civile, RPK ka paraqitur që në shtator ankesë në Gjykatën Kushtetuese Gjermane në Karlsruhe. Të martën këto shoqata paraqitën në Berlin aktakuzën që përmban 93 faqe. Si palë akuzuese janë gazetarë nga shtatë vende të ndryshme. Midis tyre është gazetari investigativ Raul Olmos – ai bënte pjesë në një ekip ndërkombëtar, i cili analizoi “Paradise Papers”.
Për gazetarë si Olmosi, ligji i BND paraqet një rrezik të veçantë, mendon drejtuesi ekzekutiv i RPK Christian Mihr. Ai ka bashkëpunuar në kërkimet për “Paradise Papers” me kolegë nga BE, edhe me të tillë nga Gjermania.
Komunikimi i gazetarëve gjermanë teorikisht është i mbrojtur, thotë Mihr në bisedë me DW. “Por komunikimi i Raul Olmosit nuk është i mbrojtur”. Prandaj indirekt edhe “gjermanët janë direkt të përgjuar”. Këtë “logjikë” synon të kapërcejë ankesa për shkelje të të drejtave kushtetuese. /DW
Promo
Reklamo këtuLufta Prigozhin - Putin
Më shumë"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Në njërën dorë kryqin, në tjetrin Kuranin duke u djegur në Malmo - video dramatike u transmetua live në rrjetet sociale
Erdogan foli pas ndërprerjes së marrëdhënieve tregtare mes Turqisë dhe Izraelit
Komandanti i Azov kritikoi Zelenskyn: Ne nuk kemi qasje në armët perëndimore, po e mbrojmë vendin me gjak
Kievi mund të sulmojë me armë britanike Rusinë
Gjermania do t’i furnizojë ukrainasit me super radarë – këto janë karakteristikat e TRML-4D
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City