Lufta kundër okupatorit serb ishte detyrë e rëndë dhe gati e pamundur. Kur armiku i mbylli të gjitha rrugët, atëherë burra e gra, të rinj e të vjetër, u hodhën në mbrojtje të atdheut, në thirrje e nismëtarëve të lirisë me komandant Zahir Pajaziti.
Kështu u tha në Akademinë Përkujtimore në 21-vjetorin e rënies së heronjve, Zahir Pajaziti, Edmond Hoxha dhe Hakif Zejnullahu, mbajtur nën përkujdesjen e kryeministrit të Kosovës, Ramush Haradinaj, ku morën pjesë përfaqësues të institucioneve të vendit, veteranë të luftës së UÇK-së, familjarë të dëshmorëve.
Kryeministri i Kosovës, Ramush Haradinaj, ka thënë se rënia heroike e dëshmorëve Zahir Pajaziti, Edmond Hoxha dhe Hakif Zejnullahu është një shembull se si bëhet lufta për liri.
“Hakifi, Edmondi dhe të gjithë brezi tjetër e kishin para vetes vështirë, por të vetmin shembull që e kishin prijësin. Zahiri ka qenë prijës i shumëve dhe modelin e Zahirit, komandantit dhe atij që prinë e kanë pranuar dhe e kanë përhapur të gjithë luftëtarët. Unë kam dëgjuar prej plot dëshmorëve përshkrimin për Zahirin, për vizionin e tij prej luftëtari dhe për gatishmërinë e tij me marrë përsipër për krejt çka i takon në atë kohë. Rënia e tyre nuk ishte e rastësishme, rënia për liri në ditën e sotme, por ishte vepër e mirë e planifikuar dhe mirë e realizuar e gjithë kundërshtarëve, në mënyrë që të mos niset UÇK-ja”, ka thënë Haradinaj.
Ai tha se rënia e heronjve Zahir Pajaziti, Edmond Hoxha dhe Hakif Zejnullahu ishte goditje e madhe për UÇK-në, por nxiti një rikthim edhe të më shumë luftëtarëve në betejat për lirinë e Kosovës.
Ish-komandanti i Zonës Operative të Llapit, Rrustem Mustafa, tha se heronjtë e kombit luftuan kundër agresorit serb me bindjen se fitorja do të jetë e sigurt.
“Kujtojmë komandantin Zahir Pajaziti me bashkëluftëtarët, Hakifin dhe Edmondin, kujtojmë pushkët e para që përçonin mesazhin se liria nuk fitohet pa luftë, se lufta nuk përfundohet pa nismë, se robëria nuk durohej më. Kryengritja dhe lufta kundër okupatorëve kanë qenë të vështira dhe lufta e shqiptarëve kundër armikut, ishte detyrë e rëndë dhe gati e pamundur. Kur armiku i mbylli të gjitha rrugët, mbetën pa alternativa shqiptarët, atëherë burra e gra, të rinj e të vjetër, u hodhën në mbrojtje të atdheut, në thirrje e nismëtarëve të lirisë me komandant Zahir Pajaziti dhe kështu filluan veprimin”, tha ai, raporton Kospvapress.
Një fjalë rasti ka mbajtur dhe ish-luftëtarja e UÇK-së, Fitnete Ramosaj, e cila tha se heronjtë e kombit Zahiri, Hakifi, Edmondi dhe të gjithë bashkëluftëtarët e tyre nga Llapi, Drenica, Dukagjini dhe viset tjera shqiptare në fillimet e para të UÇK-së, ndonëse të numër të kufizuar, kanë vepruar në rrethana tepër të vështira.
“Heronjtë e kombit Zahir Pajaziti, Hakif Zejnullahu dhe Edmond Hoxha, të rënë heroikisht 21 vjet më parë, i takojnë brezit të artë të luftëtarëve të lirisë, që bartin mbi vete një histori të tërë të lavdishme dhe i takojnë një gjenerate që shndrisin si dielli dhe hëna duke bërë që drita e tyre të mos shuhet kurrë”, ka thënë Ramosaj.
Ndërsa në emër të familjeve të heronjve ka folur Bajram Pajaziti.
“Ideja për liri e popullit gjithherë ka qenë e pranishme edhe për Edmond Hoxhën nga Juniku, Hakif Zejnullahun nga Lladovci, Zahirin nga Orllani, kështu që këta të tre së bashku kanë vepruar dhe u flijuan së bashku të gjithë për liri. Sot kur kujtojmë të gjithë heronjtë, dëshmorët, ata që u sakrifikuan për lirinë e këtij vendi dhe populli dhe falë gjakut, sakrificës së dëshmorëve ne e fituam lirinë dhe e krijuam shtetin”, ka thënë Pajaziti.
Dëshmorët Zahir Pajaziti, Hakif Zejnullahu dhe Edmond Hoxha, kanë rënë heroikisht më 31 janar të vitit 1997 në Pestovë të Vushtrrisë, në një pritë të organizuar nga policia dhe njësitë tjera të armikut serb. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ka heshtje në mesnatë para raundit të dytë të zgjedhjeve presidenciale dhe parlamentare në RMV
Rritet numri i përdoruesve të drogës në Kosovë, përfshihen edhe të miturit
Siguria në Evropë – Gërvalla së bashku me ministrin e Mbrojtjes dhe drejtorin e AKI-së, pjesë e konferencës “Defence 24 Days”
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Pahor paraqet interes për të drejtuar dialogun Kosovë-Serbi, a do të zgjidhet ai si zëvendësuesi i Lajçakut?
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'